الماتىلىق كارديوحيرۋرگتەر جۇرەككە تامىر تىكتى

استانا. قازاقپارات - جاڭا ءادىس ارقاسىندا وپەراتسيا ءساتتى ءوتتى. ايتا كەتكەن ءجون ەلدە جىل سايىن جۇرەككە 400-گە جۋىق اشىق حيرۋرگيالىق وپەراتسيا جاسالادى. ولاردىڭ دەنى تەگىن.

онкология
Фото: Қазақ онкология және радиология ғылыми-зерттеу институты

الماتىداعى كارديولوگيا جانە ىشكى اۋرۋلار ع ز ي- دا كارديوحيرۋرگيالىق وپەراتسيالاردىڭ بارلىق تۇرلەرى جاسالادى. ەلىمىزدىڭ ەڭ تاجىريبەلى ماماندارى قازاقستاننىڭ ءار وڭىرىنەن جانە جاقىن شەت ەلدەردەن كەلگەن پاتسيەنتتەرگە كومەك كورسەتەدى. 83 جاستاعى قاريا مۇرات قوراباي ينفاركت جاعدايىندا اۋرۋحاناعا ءتۇستى. جۇرەك تامىرلارى اۋىر زاقىمدانعان. دارىگەرلەر شۋنتتاۋ ارقىلى بۇزىلعان قان تامىرلارىن اينالىپ وتەتىن قوسىمشا جول جاساۋ كەرەك دەپ شەشتى. ءساتتى وپەراتسيادان كەيىنگى جاعدايى تۇراقتى. قازىر كارديولوگيا بولىمشەسىندە ەمىن جالعاستىرىپ، وڭالتۋدان ءوتىپ جاتىر.

مۇرات قوراباي، قالا تۇرعىنى:

- «قازىر دەنساۋلىعىم بۇرىننان گورى تاۋىرلەندى. دەم العاندا جاقسى بولىپ كەلە جاتىر. ەندى ءبىراز وكپە توسىندەگى سۋ بار. سول كەتەتىن شىعار. سودان كەيىن قۇدايعا ءتاۋبا، جاقسى بولىپ كەتەمىن دەگەن ويىم بار. راقمەت، دارىگەر وتە جاقسى».

سوڭعى جىلدارى اسا كۇردەلى وپەراتسيالاردىڭ سانى ءوستى. كارديوحيرۋرگيادا قولقا دوعاسىن پروتەزدەۋ سىندى وتالارمەن بىرگە جۇرەك ترانسپلانتاتسياسى دا جاسالادى. ماماندار جۇرەك تالماسىنا ۇشىراعان، اۋرۋى اسقىنعان جاندارعا كومەكتەسۋ ءۇشىن ميوكاردتىڭ ريەۆاسكۋلياريزاتسياسى ءادىسىن قولدانادى.

رۇستەم تولەۋتايەۆ، كارديوحيرۋرگ:

«جۇرەككە قان جەتىسپەۋشىلىگى بولعاندا سول كەزدە ءبىز جاڭا تامىر جۇرەككە تىگەمىز. سودان كەيىن جۇرەككە قان ەركىن بارادى. سول كەزدە جۇرەك سوعىسى دا جاقسارادى. پاتسيەنتتىڭ شاعىمدارى دا كەتەدى. سونىمەن جۇرەكتىڭ تولىقتاي جۇمىسى قالپىنا كەلەدى. سونداي وتالار جاسالىنادى».

مۇنداي وپەراتسيالار دارىگەرلەردىڭ كاسىبي دەڭگەيىنىڭ جانە مامانداندىرىلعان جابدىقتار مەن قۇرالداردىڭ ارقاسىندا جاسالادى. جۇرەك وپەراتسياسىنان كەيىن ناۋقاستار ۇيگە شىعارىلمايدى. قالىپتى ومىرگە ورالۋ ءۇشىن وڭالتۋ بولىمشەسىنە اۋىستىرىلادى. «ويتكەنى ادامنىڭ قانشالىقتى تەز قالپىنا كەلەتىنى ۋاقىتىلى وڭالتۋعا بايلانىستى. وسى كەزەڭدەردەن وتكەننەن كەيىن دە پاتسيەنتتەر ءبىر ايدان كەيىن وڭالتۋدىڭ 2-كەزەڭىنە جاتقىزىلادى»، - دەيدى دارىگەرلەر.

24.kz

سوڭعى جاڭالىقتار