الماتىداعى تاۋ بوكتەرىندە سالىنعان ءىرى نىسان بۇزىلدى

الماتى. KAZINFORM - مەگاپوليستە قۇرىلىسقا، اسىرەسە تاۋلى ايماقتاعى قۇرىلىسقا باقىلاۋدى كۇشەيتۋ جۇمىستارى جالعاسىپ جاتىر.

قالا قۇرىلىسىن باقىلاۋ باسقارماسىنىڭ مالىمەتىنشە، «قورعاۋشى- زاشيتنيك» باۋ- باقشا سەرىكتەستىگىندە (ۋچ. 62/4 (98) ) ءۇش قاباتتى عيمارات رۇقسات قۇجاتتارىنسىز سالىنعان.

«جوبالىق- سمەتالىق قۇجاتتاماسىز، اۆتورلىق جانە تەحنيكالىق قاداعالاۋسىز، سونداي- اق قۇرىلىس- مونتاج جۇمىستارىنىڭ باستالعانى تۋرالى حابارلاماسىز ءبىر ۋچاسكەدە ءۇش قاباتتى جانە ءبىر قاباتتى كۇردەلى قۇرىلىستار تۇرعىزىلعان. نىسان سىبايلاس جەمقورلىققا قارسى قىزمەتپەن بىرلەسكەن جۇمىس بارىسىندا انىقتالدى»، - دەپ حابارلادى باسقارمادان.

2024 -جىلدىڭ 19 -شىلدەسىندە باسقارما جەر ۋچاسكەسىنىڭ يەسىنە (جەكە تۇلعاعا) زاڭسىز قۇرىلىستى بۇزىپ، جەر تەلىمىن باستاپقى قالپىنا كەلتىرۋ تۋرالى نۇسقاما بەرگەن..

نۇسقاما تالاپتارىن ورىنداۋ ماقساتىندا نىساننىڭ يەسى عيماراتتى ءوز ەركىمەن بۇزا باستادى.

وسىعان دەيىن الماتىنىڭ تاۋ بوكتەرىندە زاڭسىز سالىنعان 28 نىسان بۇزىلعانى تۋرالى جازعان ەدىك.