الماتىداعى ءورت: قازا تاپقانداردىڭ كوبى - قازاقستاندىقتار

الماتى قالالىق پوليتسيا دەپارتامەنتى حوستەلدەگى ءورت سالدارىنان قازا تاپقان ازاماتتاردىڭ قاي ەل ازاماتتارى ەكەنىن ناقتىلادى، دەپ حابارلايدى Kazinform.

«مەرت بولعان 13 ادامنىڭ تورتەۋى شەتەلدىكتەر (رەسەي فەدەراتسياسىنىڭ 2 ازاماتى جانە وزبەكستاننىڭ 2 ازاماتى)، تاعى توعىزى - قازاقستان رەسپۋبليكاسىنىڭ ازاماتتارى. سوت- مەديتسينالىق ساراپتاما تاعايىندالدى»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتىنەن.

قالا باسشىسىنىڭ ايتۋىنشا، اكىمدىك زارداپ شەككەندەر مەن ەۆاكۋاتسيالانعانداردى قولداۋ بويىنشا بارلىق شارالاردى قابىلداپ جاتىر.

قازىرگى ۋاقىتتا اۋدان اكىمدىگى جەدەل تۇردە ۋاقىتشا باسپانا بەردى، سونداي- اق بارلىق ەۆاكۋاتسيالانعاندار ءۇشىن تاماقتانۋ ۇيىمداستىرىلدى. دەنساۋلىق ساقتاۋ باسقارماسى قاجەتتى مەديتسينالىق جانە پسيحولوگيالىق كومەك ۇسىنىپ جاتىر.

حوستەلدەگى ءورتتىڭ شىعۋ سەبەپتەرىن تەكسەرۋ ءۇشىن مينيستر گەنەرال-مايور سىرىم ءشارىپحانوۆتىڭ باسشىلىعىمەن ت ج م- نىڭ جەدەل توبى وقيعا ورنىنا اتتاندى.

الدىن الا مالىمەتتەر بويىنشا ءورت وشاعى جەرتولەنىڭ دالىزىندە بولعان.

ءورت ورنىندا الماتى قالاسى ت ج د ءورت سىناۋ زەرتحاناسىنىڭ انىقتاۋشىلارى مەن ماماندارى جۇمىس ىستەپ جاتىر.

بۇل وبەكت ءبىر جارىم اي بۇرىن حوستەل رەتىندە قايتا جابدىقتالعان. حوستەلدىڭ اۋدانى - 457 شارشى مەتر.

الماتى قالاسى ت ج د ءورتتىڭ وسى فاكتىسى بويىنشا ق ر قىلمىستىق كودەكسىنىڭ 292-بابىنا سايكەس قىلمىستىق ءىس تىركەلدى.

ەربولات دوسايەۆ قازا تاپقانداردىڭ تۋىستارى مەن جاقىندارىنا كوڭىل ايتتى.

ەسكە سالايىق، بۇگىن مەگاپوليستە حوستەل ورتەنىپ، 13 ادام قازا تاپتى.

وقيعا ورنىنان 59 ادام ەۆاكۋاتسيالانىپ، 56-سى جاقىن ماڭداعى مەكتەپكە ۋاقىتشا ورنالاستىرىلدى.

اۆتور

الما مۇقانوۆا