الماتىداعى «ايەلدەر مارشى»، «لەسبيلەر شەرۋى» - USAID سىندى ۇيىمداردىڭ جۇمىس ناتيجەسى - ءماجىلىس دەپۋتاتى

استانا. KAZINFORM - الماتىداعى «ايەلدەر مارشى»، «لەسبيلەر شەرۋى» - USAID سىندى ۇيىمداردىڭ جۇمىس ناتيجەسى. بۇل جايىندا ءماجىلىس دەپۋتاتى ماگەررام ماگەرراموۆتىڭ ۇلتتىق ەكونوميكا جانە ادىلەت مينيسترلىكتەرىنە جولداعان ساۋالىندا ايتىلعان.

Алматыдағы «әйелдер маршы», «лесбилер шеруі» USAID сынды ұйымдардың жұмыс нәтижесі – Мәжіліс депутаты
فوتو: ۆيكتور فەديۋنين/kazinfo

- اق ءۇيدىڭ رەسمي مالىمدەمەسىندە USAID-تىڭ ونداعان جىلدار بويى «زياندى جوبالاردى» قارجىلاندىرۋمەن اينالىسقانى ناقتىلانعان. رەسمي تۇلعالار، ماسەلەن يلان ماسك، ءتىپتى پرەزيدەنتى دونالد ترامپ USAID-تى «قۇنىققان راديكالدار باسقاراتىن» قىلمىستىق ۇيىم دەپ اتادى. اق ءۇيدىڭ رەسمي مالىمدەمەسىندە USAID اگەنتتىگىنىڭ سالىق تولەۋشىلەرگە مۇلدەم ەسەپ بەرمەگەنى جانە قوماقتى اقشا قاراجاتىن «اقىلعا سىيمايتىن» جانە «زياندى» جوبالارعا باعىتتاعانى انىق ناقتىلانعان، - دەدى ءماجىلىس دەپۋتاتى.

ماسەلەن، ونىڭ دەرەگىنشە، USAID كولۋمبيادا «ترانسگەندەرلىك وپەراعا» 47 مىڭ دوللار، پەرۋدە «ترانسگەندەرلىك كوميكسكە» 32 مىڭ دوللار، مىسىردا تۋريزمدى قارجىلاندىرۋعا 6 ميلليون دوللار، گۆاتەمالادا «جىنىس اۋىستىرۋعا» جانە «ل گ ب ت-اكتيۆيزمگە» 2 ميلليون  دوللار، سەربيادا ەڭبەك ۇجىمدارى مەن ىسكەرلىك قوعامداستىقتارعا تەڭدىك پەن ينكليۋزيۆتىلىكتى ىلگەرىلەتۋگە 1,5 ميلليون دوللار، اۋعانستاندا «سۋارۋ ارنالارىن، اۋىل شارۋاشىلىعى جابدىقتارىن» قارجىلاندىرۋعا، ءتىپتى كوكنار ءوسىرۋ مەن گەروين ءوندىرىسىن قولداۋعا جۇزدەگەن ميلليون دوللار بولگەن. مۇنان بولەك، ءدال وسى ۇيىم «ءال-كايدا» سودىرلارىنا جۇزدەگەن مىڭ پورتسيا تاماق جىبەرگەن.

سونداي-اق اتالعان ۇيىم 2022-2025 -جىلدارى ورتالىق ازيادا ادام قۇقىعى مەن تەڭدىكتى نىعايتۋعا 2 ميلليون دوللار بولگەن. ال قارجى بولىنگەن باعدارلامانى ورىنداۋشى - ەۋروپالىق حالىقارالىق لەسبياندار، گەيلەر، بيسەكسۋالدارن ترانسگەندەرلەر جانە ينتەرسەكسۋالدار قاۋىمداستىعى.

- قانداي قاراجات كىمگە، قايدا جانە قانداي ماقساتقا بولىنەتىندىگىن، ولاردى كىم الاتىندىعىن جانە ەلىمىزدە قانداي جوبالاردى جۇزەگە اسىراتىندىعىن انىقتاۋ قاجەت دەپ سانايمىز. ويتكەنى، ءبارىمىز دە «سەكسۋالدى ازشىلىق قۇقىعى» دەگەن ۇرانمەن كەيبىر توپتاردىڭ بەلسەندىلىگى وقتىن-وقتىن بايقالادى جانە بۇل قوعامىمىزدىڭ ىشكى سۇرانىسىنان ەمەس، سىرتى اسەردەن، ونىڭ ىشىندە سىرتتاي قارجىلىق قولداۋدان تۋىنداپ وتىر. الماتى قالاسىنىڭ ورتالىعىنداعى «ايەلدەر مارشى»، «لەسبيلەر شەرۋى» دەپ اتالاتىن شەرۋلەر جانە ولاردى وتكىزۋگە ۇزدىكسىز ۇمتىلىس وسىنداي ۇيىمدار قىزمەتىنىڭ ناتيجەسى سانالادى، - دەدى ماگەررام ماگەرراموۆ.

وسىعان وراي ءماجىلىس دەپۋتاتى شەتەلدىك دەمەۋشىلەر بولەتىن قارجى قاراجاتىنا اۋديت جۇرگىزىپ، بارلىق ەسەپ-قيسابىن حالىققا جاريالاۋدى، مۇنداي زياندى جوبالاردان بالالاردى قورعايتىن ارناۋلى زاڭ جوباسىن ازىرلەۋدى ۇسىنىپ وتىر.

بۇعان دەيىن ا ق ش USAID-تى نەگە تاراتپاق بولعانىن جازعان ەدىك.

اۆتور

مارلان جيەمباي

سوڭعى جاڭالىقتار