الماتىدا ۇزدىك پوليتسەيلەردىڭ سۋرەتتەرى LED ەكرانداردا كورسەتىلە باستادى
الماتى. KAZINFORM - الماتىلىقتار قالاداعى ۇلگىلى ءتارتىپ ساقشىلارىنىڭ سۋرەتىن كوشەدەگى LED ەكرانداردان كورە الادى.

سەبەبى قازاقستان پوليتسياسى كۇنىنە ارنالعان اقپاراتتىق- يميدجدىك ناۋقان اياسىندا الماتى قالالىق پ د قىزمەتتەرى مەن بولىمشەلەرىنىڭ ۇزدىك قىزمەتكەرلەرىنىڭ فوتوسۋرەتتەرى لەد-ەكراندار مەن ەلەكتروندى بوردتاردا كورسەتىلىپ جاتىر.
«ولار ءوز ماماندىعىنىڭ ۇزدىك قىزمەتكەرلەرى: تەرگەۋشى، جەدەل ۋاكىل، پاترۋلدىك قىزمەتكەر، ۋچاسكەلىك ينسپەكتور، يۋۆەنالدى پوليتسيانىڭ وكىلى، كريميناليست، انىقتاۋشى، كينولوگ جانە ج ق ا ج قىزمەتكەرلەرى. ىرىكتەۋ كەزىندە قىزمەتكەرلەردىڭ كاسىبي عانا ەمەس، جەكە قاسيەتتەرى دە ەسكەرىلدى. قالا تۇرعىندارى مەن قوناقتارى پوليتسيا قىزمەتىنىڭ جارقىن وكىلدەرىمەن تانىسۋى ءۇشىن مەرەكە الدىنداعى اتموسفەرانى قۇرۋ ماڭىزدى بولدى. ياعني، ماسەلە ۆيزيتتىك كارتوچكا جايىندا بولىپ وتىر»، - دەدى الماتى قالاسى پوليتسيا دەپارتامەنتى باستىعىنىڭ ورىنباسارى، پوليتسيا پولكوۆنيگى ەرجان ۇزابايەۆ.
ەسكە سالايىق، بۇعان دەيىن الماتى وبلىسىندا پوليتسەيلەرگە تاپ بەرىپ، سوققىعا جىققان جولاۋشى ۇستالعانىن جازعان ەدىك.
اۆتور
دوسبول اتاجان