الماتىدا زاڭسىز ساتىلعان اباي اتىنداعى قاز ۇ پ ۋ عيماراتىنىڭ ءبىر بولىگىن قايتاردى

الماتى. KAZINFORM - الماتى قالاسى مەدەۋ اۋدانىنىڭ پروكۋراتۋراسى «اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ» مۇلكىن زاڭسىز يەلىكتەن شىعارۋ فاكتىسىن انىقتادى، دەپ حابارلايدى الماتى قالاسىنىڭ پروكۋراتۋراسى.

1997-جىلى جەكەشەلەندىرۋ جونىندەگى اۋماقتىق كوميتەت، وقۋ كورپۋسى عيماراتىنىڭ بىر بولىگىن 196000 تەڭگەگە زاڭسىز ساتتى.

سول جىلى 62000 تەڭگەگە 26 سوتىق جەر تەلىمى دە زاڭسىز ساتىلعان.

ۋنيۆەرسيتەت عيماراتى رەسپۋبليكالىق ماڭىزى بار تاريحي جانە مادەنيەت ەسكەرتكىشتەرىنە جاتادى، ال جەر ۋچاسكەسىندە قالانىڭ ەڭ ەسكى ساۋلەت قۇرىلىستارىنىڭ ءبىرى - «ەسكى قاقپا» ورنالاسقان.

كەيىننەن وقۋ كورپۋسىنىڭ عيماراتىندا «ەسكى قاقپا» اتتى مەيرامحانا ويىن-ساۋىق مەكەمەسى - ۇيىمداستىرىلعان.

مەدەۋ اۋدانىنىڭ پروكۋراتۋراسى جىلجىمايتىن مۇلىكتى ساتىپ الۋ-ساتۋ مامىلەلەرىنىڭ كۇشىن جويۋ تۋرالى سوتقا شاعىم ءتۇسىردى.

«سوت شەشىمىمەن قاداعالاۋ ورگانىنىڭ تالاپ ارىزى قاناعاتتاندىرىلىپ، مۇلىك قايتارىلدى، شەشىم زاڭدى كۇشىنە ەندى»، - دەلىنگەن الماتى قالاسى پروكۋراتۋراسىنىڭ حابارلاماسىندا.

اۆتور

ايدار وسپاناليەۆ