الماتىدا زاڭسىز سالىنعالى جاتقان تۇرعىن ءۇي كەشەنى انىقتالدى
الماتى. KAZINFORM - الماتى اكىمدىگى تۇرعىنداردى كەزەكتى زاڭسىز تۇرعىن ءۇي كەشەنىنەن جىلجىمايتىن مۇلىك ساتىپ الماۋعا شاقىردى.
الماتى اكىمدىگى قالا قۇرىلىسىن باقىلاۋ باسقارماسى ينتەرنەت رەسۋرستارىن مونيتورينگىلەۋ بارىسىندا Royal Time تۇرعىن ءۇي كەشەنىنىڭ جارناماسىن انىقتادى.
الماتى اكىمدىگىنىڭ مالىمەتىنشە، تۇرعىن ءۇي كەشەنىنىڭ سايتى مەن الەۋمەتتىك جەلىدەگى پاراقشاسىندا كورسەتىلگەندەي، پرەميۋم- كلاستى جاڭا تۇك ناۋرىزباي اۋدانىنداعى كەنەسارى حان كوشەسى 145-مەكەنجايىندا ورنالاسپاق. الايدا بۇگىندە جەر ۋچاسكەسىندە قۇرىلىس جۇرگىزىلىپ جاتقان جوق جانە قۇرىلىسقا رۇقسات بەرەتىن قۇجاتتارى دا جوق.
«ەگەر ءسىز جىلجىمايتىن مۇلىكتى زاڭسىز نىساننان ساتىپ الساڭىز، سونداي- اق، قۇرىلىس سالۋشى قاراجاتتى ەرىكتى تۇردە قايتارۋدان باس تارتقان جاعدايدا، الماتى قالاسى بويىنشا ەكونوميكالىق تەرگەۋ دەپارتامەنتى مەن قۇقىق قورعاۋ ورگاندارىنا جۇگىنىڭىز. جىلجىمايتىن مۇلىكتى ساتىپ الماس بۇرىن الماتى قالاسىنىڭ قالا قۇرىلىسىن باقىلاۋ باسقارماسىنىڭ 77058966000+ WhatsApp جەلىسى بويىنشا ت ۇ ك قۇجاتتارىنىڭ بار-جوعىنا كوز جەتكىزۋدى ۇسىنامىز»، - دەپ ەسكەرتتى اكىمدىكتەگىلەر.
اۆتور
دۋمان ارعىنگەلدى
