الماتىدا تاۋەلسىزدىك كۇنى قالاي تويلانادى

تاۋەلسىزدىك كۇنى قارساڭىندا الماتىدا ءتۇرلى مەرەكەلىك جانە رەسمي ءىس-شارالار، سونىڭ ىشىندە فوتوكورمەلەر، دوڭگەلەك ۇستەلدەر جانە باسقا دا كوپتەگەن جيىندار ۇيىمداستىرىلادى، دەپ حابارلايدى Kazinform.

13-جەلتوقسان كۇنى ساعات 11:00-دە Bastau ويىن- ساۋىق كەشەنىندە الماتى ارداگەرلەر كەڭەسى اراسىندا «بوستاندىق اۋدانى اكىمىنىڭ كۋبوگى» ءۇشىن بيلياردتان تۋرنير ۇيىمداستىرىلادى.
وسى كۇنى ساعات 15:00-دە يننوۆاتسيالىق شىعارماشىلىق ورتالىعىندا (شۇعىلا ش. ا 347/4) زيالى قاۋىم وكىلدەرى مەن جەلتوقسانشىلاردىڭ قاتىسۋىمەن «ەلىمنىڭ باقىتىن تەربەگەن - تاۋەلسىزدىك» اتتى دوڭگەلەك ۇستەل وتەدى.

15-جەلتوقسان كۇنى ساعات 11:00-دە ءداستۇرلى مۋزىكا مۋلتيمەديا ورتالىعىندا جەلتوقسان وقيعاسىنا قاتىسۋشىلارمەن «ءتاڭىر سىيى - تاۋەلسىزدىك» اتتى كەزدەسۋ ۇيىمداستىرىلادى، ءدال وسى ۋاقىتتا ىقىلاس اتىنداعى حالىق مۋزىكالىق اسپاپتار مۇراجايىندا «تاۋەلسىزدىك - ەل مەرەيى» تاقىرىبىندا دوڭگەلەك ۇستەل وتەدى.

ساعات 15:00-دە قونايەۆ مۇراجايىندا «تاۋەلسىزدىك - ماڭگىلىك ەلدىڭ تىرەگى» اتتى فوتوكورمە وتەدى. كورمەگە مۇراجاي مۇراعاتىنان الماتى قالاسىنىڭ عيماراتتارى مەن مادەني وشاقتارىنىڭ فوتوسۋرەتتەرى قويىلادى.

ساعات 15:00-دە الماتى قالاسىنىڭ ورتالىق مەملەكەتتىك مۇراعاتىندا «تاۋەلسىزدىك - اپپاق تانىم ارايلى» اتتى تاقىرىپتا دوڭگەلەك ۇستەل وتەدى.

ساعات 19:00-دە جامبىل اتىنداعى قازاق مەملەكەتتىك فيلارمونياسىندا ت. ابدىراشيەۆ اتىنداعى قر مەملەكەتتىك اكادەميالىق سيمفونيالىق وركەسترىنىڭ كونتسەرتى وتەدى.

16-18-جەلتوقسان ارالىعىندا ساعات 09:00-دەن 18:00-گە دەيىن ك. ازىربايەۆ اتىنداعى № 15 ورتا مەكتەبىندە بارلىق ساناتتار اراسىندا كلاسسيكالىق پاۋەرليفتينگ جانە كلاسسيكالىق ستەندتىك پرەسس بويىنشا الماتى قالاسىنىڭ اشىق چەمپيوناتى وتەدى.
18-جەلتوقسان كۇنى ساعات 12:00-دە Alatau Creative Hub-تا «تاۋەلسىز ەلدىڭ ۇرپاعى» زياتكەرلىك ويىنى وتەدى.
اۆتور
الما مۇقانوۆا