الماتىدا تاڭ اتا كۇن ەرەكشە قاتتى كۇركىرەدى

الماتى. KAZINFORM - الماتىلىقتار كۇننىڭ قاتتى كۇركىرەگەنىنەن شوشىپ وياندى. تاڭ ەرەكشە قاتتى كۇننىڭ كۇركىرىمەن باستالدى.

жауын
Фото: Pixabay

الەۋمەتتىك جەلىدە تۇنەرىپ تۇرعان اسپان مەن ويناعان نايزاعايدىڭ ۆيدەوسى تارادى.

سينوپتيكتەردىڭ بولجاۋىنشا، 13 -ماۋسىمدا الماتىدا كۇن الا بۇلتتى بولىپ، وتكىنشى جاڭبىر جاۋىپ، نايزاعاي وينايدى. سولتۇستىك-باتىستان سوعاتىن جەلدىڭ كۇشى سەكۋندىنا 13 مەترگە جەتەدى.

اۋا تەمپەراتۋراسى تۇندە 15-17، كۇندىز 25-27 گرادۋس جىلى بولادى.

وسىعان دەيىن «قازگيدرومەت» ر م ك اتموسفەرالىق فرونتتاردىڭ وتۋىنە بايلانىستى 13- ماۋسىمدا ەلىمىزدىڭ باسىم بولىگىندە اۋا رايى قۇبىلمالى بولادى. جاڭبىر جاۋىپ، كۇن كۇركىرەيتىنى تۋرالى ەكەرتەكەن بولاتىن.

اۆتور

الما مۇقانوۆا

سوڭعى جاڭالىقتار