الماتىدا ەسىرتكىنى جاسىرىن قويىپ كەتۋمەن اينالىسقان 105 ادام ۇستالدى
الماتى. KAZINFORM - بىلتىر الماتىدا ەسىرتكىنىڭ زاڭسىز اينالىمىنا بايلانىستى 716 بۇزۋشىلىق انىقتالدى.

قالالىق ەسىرتكى قىلمىسىنا قارسى ءىس-قيمىل باسقارماسىنىڭ اسا ماڭىزدى ىستەر جونىندەگى اعا جەدەل ۋاكىلى داۋرەن كوبەيەۆتىڭ ايتۋىنشا، 2024 -جىلى مەگاپوليستە ءبىر توننادان استام ەسىرتكى تاركىلەنىپ، 23 ەسىرتكى زەرتحاناسى جويىلدى.

- ءبىر جىل ىشىندە «ەسىرتكى قويىپ كەتۋشى» دەپ اتالاتىن 105 ادام ۇستالدى، بۇل 2023 -جىلعى كورسەتكىشتەن الدەقايدا جوعارى. تامىز ايىندا اسا ءىرى وپەراتسيا جۇرگىزىلدى: پسيحوتروپتىق زاتتاردى جاسىرىن ءوندىرۋدىڭ ءۇش ۇيىمداستىرۋشىسى ۇستالدى، 20,6 كەلىدەن استام «مەفەدرون» جانە 750 ك گ پرەكۋرسورلار، سونداي-اق 800-گە جۋىق الدىن الا ورالعان ەسىرتكى بايلامى تاركىلەندى، - دەدى سپيكەر.
ناشاقورلىققا قارسى كۇرەس اياسىندا 2024 -جىلى ەسىرتكى ساتۋشىلارمەن بايلانىسقان 12200 گراففيتي بويالىپ، بۇعاتتاۋ ءۇشىن «كيبەرنادزورعا» جىبەرىلگەن 623 ينتەرنەت-سايت انىقتالدى.

قىلمىستىق جاۋاپقا 322 ادام تارتىلسا، ونىڭ 15- ءى شەتەلدىك.
- 2024 -جىلى الماتىدا كامەلەتكە تولماعانداردىڭ قاتىسۋىمەن 9 قىلمىستىق ءىس تىركەلدى. سولاردىڭ ءبىرىن ۇستاۋعا مەن قاتىستىم. جازعى كانيكۋل كەزىندە كامەلەتكە تولماعان بالا قالادا ىلىنگەن جارناماعا تاپ بولادى. ول سىلتەمەگە ءوتىپ، ونى اتا-اناسىنا دا كورسەتكەن. ءبىراق ۇلكەندەر اقپاراتتى دۇرىس تەكسەرمەگەن. ناتيجەسىندە بالا ەسىرتكى ساۋداسىمەن ۇستالدى. اتا-انالار بالالارىنىڭ بوس ۋاقىتىن قاداعالاپ وتىرۋى، - پوليتسيا وكىلى بريفينگ بارىسىندا.
وسىعان دەيىن الماتىدا قۇنى 420 ميلليون تەڭگەدەن اساتىن «سينتەتيكا» پرەكۋرسورلارى تاركىلەنگەنى تۋرالى جازعان ەدىك.
بۇدان بولەك، الماتىدا ترانسۇلتتىق ۇيىمداسقان قىلمىستىق توپ مۇشەلەرىنە ۇكىم شىققان بولاتىن.
الما مۇقانوۆا
اۆتور