الماتىدا سوتتالعاندار قالا ءۇشىن سپورتتىق جابدىقتار جاسادى

الماتى. KAZINFORM - الماتىدا سوتتالعان ادامدار ءۇشىن الەۋمەتتىك جوبا ىسكە قوسىلدى.

جازاسىن وتەپ جاتقان سوتتالعان ازاماتتاردىڭ قاتىسۋىمەن الماتى قالاسىندا «شۇعىلا» اتتى الەۋمەتتىك جوبا جۇزەگە اسىرىلدى. جوباعا قاتىسۋشىلار ناۋرىزباي اۋدانى اكىمدىگىنىڭ قولداۋىمەن بالالارعا ارنالعان سپورتتىق جابدىقتار مەن ساياباق جيھازدارىن جاساپ شىعاردى.

- بۇل جوبا - ءارقاشان دۇرىس جولعا قايتا ورالۋعا بولاتىنىن ەسكە سالادى. الايدا ەڭ دۇرىسى - سول جولدان ەشقاشان تايماۋ. بۇگىندە جاستارعا جەڭىل تابىس نەمەسە «زيانسىز» ءلاززات سىيلايتىن زاتتار ۇسىنىلىپ ءجۇر. ءبىراق سالدارىنان قانشا وتباسىنىڭ شاڭىراعى شايقالىپ، ۋاقىتى زايا كەتىپ جاتادى. ءوزىڭىزدى الداۋعا جول بەرمەڭىز. ءومىر - ەڭبەك پەن جاۋاپكەرشىلىك، - دەدى الماتى قالاسى ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.

ەسكە سالايىق، بۇعان دەيىن الماتىدا پوليتسيا كولىگى اپاتقا ۇشىراعانىن جازعانبىز.

اۆتور

دوسبول اتاجان