الماتىدا قايتىس بولعان قاراقالپاق دياسپوراسىنىڭ جەتەكشىسى وزبەكستاندا جەرلەنەدى

Қарақалпақ диаспорасының жетекшісі
Фото: Kazinform

ماڭعىستاۋ وبلىسىنداعى قاراقالپاق دياسپوراسىنىڭ جەتەكشىسى نيەتباي ورازبايەۆ الماتىداعى ەمحانالاردىڭ بىرىندە قايتىس بولدى، دەپ حابارلايدى Kazinform.

بۇل تۋرالى قاراقالپاق دياسپوراسىنىڭ قازاقستانداعى وكىلى اقىلبەك مۇراتباي Kazinform تىلشىسىنە مالىمدەدى.

«نيەتباي ورازبايەۆ التىنشى جەلتوقسان كۇنى اقتاۋدان الماتىعا كەلگەن ەدى. بىردەن تەلەفونىن ءوشىرىپ قويدى. سەبەبى سوڭعى جىلدارى ۇرەيدە ءجۇردى. وعان تۋعان جەرىندەگى ساياسي جاعداي سەبەپ بولعان. 2024 - جىلدىڭ 3- قاڭتاردا دەنساۋلىعى كۇرت ناشارلاپ، دارىگەرلەردىڭ كومەگىنە جۇگىندى. جۇما كۇنى الماتىداعى كوپبەيىندى اۋرۋحانانىڭ جانساقتاۋ بولىمىنە ءتۇسىپ، سوندا جاتتى. جەكسەنبىدە جالپى پالاتاعا شىعارىلىپ، دارىگەرلەر وكپەگە جينالعان سۋىن الدى. سوڭعى رەت كەشە تاڭەرتەڭ سويلەستىك. ءبارى جاقسى سياقتى ەدى»، - دەدى اقىلبەك مۇراتباي.

سونداي- اق ول نيەتباي ورازبايەۆتىڭ ءمايىتى تۋعان جەرىنە جەرلەنەتىنىن جەتكىزدى.

«توعىزىنشى قاڭتار كۇنى الماتىداعى ءمايىتحانادان مۇردەنى الىپ، كەشكى ۇشاق رەيسىنەن اقتاۋعا سالىپ جىبەردىك. مارقۇمنىڭ جانازاسى اقتاۋدا شىعارىلادى. سەبەبى، قاراقالپاقستاندا ونىڭ جانازاسىن شىعارۋعا رۇقسات بەرىلمەدى. سول ءۇشىن جاقىندارىمەن اقىلداسا كەلە وسىنداي شەشىم قابىلدادىق. 2 كۇننەن سوڭ قاراقالپاقستاننىڭ قوجەلى قالاسىندا جەرلەنەدى»، - دەدى ا. مۇراتباي.

اۆتور

ابىلايحان جۇماشيەۆ

سوڭعى جاڭالىقتار