الماتىدا كۇن قاتتى ىسۋى مۇمكىن: قازگيدرومەت ەسكەرتۋ جاسادى
الماتى. KAZINFORM - الماتى قالالىق توتەنشە جاعدايلار دەپارتامەنتى قازگيدرومەتكە سىلتەمە جاساپ اۋا رايىنا قاتىستى ەسكەرتۋ جاريالادى.

10-11 -ماۋسىم ارالىعىندا الماتىدا سىناپ باعاناسى 36 گرادۋسقا دەيىن كوتەرىلەدى. كۇن قاتتى ىستىق بولۋى ىقتيمال.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، وڭىردە ءورت قاۋپىنىڭ جوعارى دارەجەدەگى IV ساناتى جاريالاندى.
سونىمەن قاتار، قۇتقارۋشىلار قالا سۋ ايدىندارىندا بالالاردى قاراۋسىز قالدىرماۋدى سۇرادى.
«ق ر ا ق ب ت ك- ءنىڭ 367-بابىنىڭ 3-بولىگىندە ەرەكشە قورعالاتىن تابيعي اۋماقتاردا ورماندارداعى ءورت قاۋىپسىزدىگى جانە سانيتاريالىق قاعيدالار تالاپتارىن بۇزعانى ءۇشىن جەكە تۇلعالارعا - 100 ا ە ك، لاۋازىمدى ادامدارعا، شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا- ەكى ءجۇز ەلۋ ا ە ك مولشەرىندە ايىپپۇل كوزدەلگەن»، - دەپ ەسكە سالدى ماماندار.
ياعني، ءورت قاۋىپسىزدىگىن بۇزۋشى 369200 تەڭگە ايىپپۇل تولەيدى.
ەسكە سالايىق ەگەر، ايىپپۇل 7 كۇن ىشىندە تولەگەن جاعدايدا وڭايلاتىلعان ءوندىرىس تارتىبىمەن تولەم ەكى ەسە از بولادى.
بۇدان بولەك، سۋ ايدىندارىنداعى قاۋىپسىزدىك ەرەجەلەرىن بۇزعانى نەمەسە ورىنداماعانى ءۇشىن جاۋاپتى تۇلعالار مەن ازاماتتار «اكىمشىلىك قۇقىق بۇزۋشىلىق تۋرالى» ق ر كودەكسىنىڭ 412 - بابى بويىنشا 7 ا ە ك (25 مىڭ تەڭگە) ايىپپۇل تۇرىندە اكىمشىلىك جاۋاپكەرشىلىككە تارتىلادى.
اۆتور
الما مۇقانوۆا