الماتىدا كەمەل توقايەۆتىڭ 100 جىلدىعىنا ارنالعان حالىقارالىق كونفەرەنتسيا ءوتىپ جاتىر

الماتىدا قازاق ادەبيەتىنىڭ كورنەكتى وكىلى، جازۋشى، جۋرناليست كەمەل توقايەۆتىڭ 100 جىلدىعىنا وراي «قازاق دەتەكتيۆ جانرىنىڭ دارابوزى» اتتى حالىقارالىق عىلىمي- تاجىريبەلىك كونفەرەنسيا ءوتتى، دەپ حابارلايدى قازاقپارات ءتىلشىسى.

Адабиёт
Фото: Фото: Александр Павский/ Kazinform

القالى جيىنعا قازاقستان، وزبەكستان، قىرعىزستان، رەسەي مەملەكەتتەرىنىڭ شىعارماشىلىق زيالى قاۋىم وكىلدەرى قاتىستى. شارا بارىسىندا مادەنيەت جانە اقپارات ءمينيسترى ايدا بالايەۆا مەملەكەت باسشىسىنىڭ قۇتتىقتاۋ ءسوزىن وقىپ بەردى.

كونفەرەنسيادا ەلىمىزدەگى دەتەكتيۆ جانرىنىڭ دامۋى مەن ەرەكشەلىگى، «قازاق دەتەكتيۆىنىڭ اتاسى» اتانعان جازۋشى كەمەل توقايەۆتىڭ ءومىرى مەن شىعارماشىلىعىنا قاتىستى دەرەكتەر مەن تىڭ تۇجىرىمدار تالقىلاندى.

ساراپشى عالىمدار كەمەل توقايەۆ تەك قازاق دەتەكتيۆ جانرىنىڭ عانا ەمەس، ورتالىق ازيا ادەبيەتىندە وسىناۋ بىرەگەي جانردىڭ دامۋىنا ەرەكشە ۇلەس قوسقان جازۋشى ەكەنىن اتاپ ءوتتى.

قىرعىزستان جازۋشىلار وداعىنىڭ ءتوراعاسى نۇرلان قالىبەكوۆ، قىرعىزستاندا كەمەل توقايەۆتىڭ مۋزەيىن اشۋدى ۇسىندى.

Адабиёт
Фото: Фото: Александр Павский/ Kazinform

 

«وتىزىنشى جىلدارداعى قازاق پەن قىرعىزدىڭ باسىنان وتكەن قيىن تاعدىردى سول مۋزەي اياسىندا كوپشىلىككە تانىستىرۋعا بولار ەدى»، - دەدى نۇرلان قالىبەكوۆ.

"ماناۆيات ۆا ماريفات» رەسپۋبليكالىق ورتالىعىنىڭ جەتەكشىسى، وزبەكستان جازۋشىلار وداعىنىڭ مۇشەسى مينحوجيددين حودجيماتوۆ قازىر وزبەكستاندا قازاق ادەبيەتى كلاسسيكتەرىنىڭ شىعارمالارىن اۋدارۋ ءىسى قارقىن العانىن، كەمەل توقايەۆتىڭ 100 جىلدىعى قازاققا عانا ەمەس، وزبەككە دە ورتاق مەرەكە ەكەنىن جەتكىزدى. سونداي- اق، وزبەك تىلىندە اۋدارىلعان كەمەل توقايەۆتىڭ كىتابىن قازاقستان جازۋشىلار وداعىنا سىيلادى.

كونفەرەنسيا اياسىندا «قازاق دەتەكتيۆ جانرىنىڭ نەگىزىن قالاۋشى»، «وتان ءۇشىن وت كەشۋ»، «جۋرناليست - قوعامنىڭ ايناسى، قۇلاعى ءھام ءتىلى» اتتى تاقىرىپتىق سەكسيالار ۇيىمداستىرىلدى.

كونفەرەنسيا قورىتىندىسى بويىنشا سپيكەرلەر مەن ساراپشىلاردىڭ باياندامالارى ارنايى جيناققا باسىلىپ شىعادى.

Адабиёт
Фото: Фото: Александр Павский/ Kazinform

 

اۆتور

الما مۇقانوۆا

سوڭعى جاڭالىقتار