الماتىدا جەكەمەنشىك كلينيكانى زاڭسىز تەكسەرگەنى ءۇشىن مەملەكەتتىك قىزمەتكەر جاۋاپقا تارتىلدى
الماتى. KAZINFORM - مەدەۋ اۋدانىنىڭ پروكۋراتۋراسىنا الماتى قالاسى مەديتسينالىق- فارماتسيەۆتيكالىق باقىلاۋ دەپارتامەنتىنىڭ زاڭسىز تەكسەرۋ ماسەلەسى بويىنشا جەكە كلينيكالاردىڭ ءبىرىنىڭ باسشىسى حابارلاسقان.
«دەپارتامەنتكە مەديتسينالىق ورتالىقتىڭ ارەكەتىنە قاتىستى ءوتىنىش كەلىپ تۇسكەن. وسى ءوتىنىش نەگىزىندە باقىلاۋ ورگانىنىڭ قىزمەتكەرى كاسىپكەرلىك سۋبەكتىسىن تىركەپ، تەكسەرۋ جۇرگىزدى. پروكۋراتۋرا ءوتىنىش بىلدىرگەن ازاماتتىڭ زاڭدى اتاۋى ۇقساس مۇلدە باسقا مەديتسينالىق ۇيىمنىڭ ارەكەتىنە شاعىمدانعانىن انىقتادى. وسىعان قاراماستان مەديتسينالىق ورتالىق زاڭسىز تەكسەرۋدەن ءوتتى»، -دەلىنگەن حابارلامادا.
مەملەكەتتىك ورگاننىڭ ارەكەتىنىڭ زاڭسىزدىعىن ەسكەرە وتىرىپ، تەكسەرۋ اكتىسى مەن ناتيجەلەرى جويىلدى.
سونىمەن بىرگە، جەكە كاسىپكەرلىك سۋبەكتىلەرىنە تەكسەرۋ جۇرگىزۋ ءتارتىبىن بۇزعانى ءۇشىن كىنالى لاۋازىمدى تۇلعا ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 175 -باپتىڭ 1-بولىگى بويىنشا اكىمشىلىك جاۋاپكەرشىلىككە تارتىلىپ، 20 ا ە ك مولشەرىندە ايىپپۇل سالىندى.
اۆتور
باقىتگۇل اباي قىزى
