15:54, 01 - قازان 2024 | GMT +6
الماتىدا دزيۋدودان الەم چەمپيوناتىنىڭ جۇلدەگەرىنە قاستاندىق جاسالدى
الماتى. KAZINFORM - الماتىدا سپورتشى پىشاق جاراقاتىن الدى.
بۇل تۋرالى اقپارات Telegram ارنالارىنىڭ بىرىندە جاريالاندى. بەينەجازبادان ءبىر توپ جىگىتتىڭ توبەلەسىپ جاتقانىن كورۋگە بولادى. اۆتوردىڭ سوزىنشە، قاقتىعىس كەزىندە دزيۋدودان الەم چەمپيوناتىنىڭ جۇلدەگەرى دامير يساحانوۆ جۇرەك تۇسىنان پىشاق جاراقاتىن العان.
اتالعان فاكتىگە قاتىستى قالالىق پوليتسيا دەپارتامەنتى تۇسىنىك بەردى.
«بۇل دەرەك بويىنشا المالى اۋداندىق پوليتسيا باسقارماسى قىلمىستىق ءىس قوزعادى. كۇدىكتى ۇستالىپ، پوليتسياعا جەتكىزىلدى. سوتقا دەيىنگى تەرگەۋ جان-جاقتىلىق، تولىقتىق جانە وبەكتيۆتىلىك قاعيداتتارىنا سايكەس جۇزەگە اسىرىلۋدا. تەرگەۋ بارىسى الماتى پد باسشىلىعىنىڭ باقىلاۋىندا»، - دەپ حابارلادى الماتى قالالىق پوليتسيا دەپارتامەنتىنىڭ باسپا ءسوز قىزمەتى.
اۆتور
الما مۇقانوۆا
