13:40, 24 - قاڭتار 2024 | GMT +6
الماتىدا ءزىلزالانى ەرتە حابارلايتىن 28 سەيسموستانسا تەست رەجيمىندە ىستەپ تۇر
الماتى. KAZINFORM - الماتىدا كۇشتى جەر سىلكىنىسى تۋرالى اۆتوماتتاندىرىلعان ەرتە حابارلاۋ جۇيەسى سىناقتان ءوتىپ جاتىر.
الماتى قالالىق ت ج د- نىڭ مالىمەتىنشە، 2023 -جىلدىڭ سوڭىندا اۆتوماتتاندىرىلعان ەرتە حابارلاۋ جۇيەسى بار 28 سەيسموستانسانىڭ قۇرىلىسى اياقتالعان.
جوبا كەزەڭ-كەزەڭىمەن جۇزەگە استى: 2022 -جىلى - 11، 2023 -جىلى-17 سەيسموستانسا سالىندى.
«قازىرگى ۋاقىتتا جۇيە تاجىريبەلىك پايدالانۋعا قابىلداندى، شەتەلدىك تاجىريبە بويىنشا اپروباتسيا كەزەڭى مەن سىناقتان وتۋدە. جۇيەنىڭ سىناقتان ءوتۋ مەرزىمى شامامەن العاشقى جارتىجىلدىقتىڭ سوڭىنا دەيىن جالعاسادى» دەپ حابارلادى ت ج د.
اۆتور
دۋمان ارعىنگەلدى
