الماتىدا بىلتىر 4 مىڭنان استام ادام فاميلياسىن وزگەرتكەن

الماتى. KAZINFORM - اتى-ءجونىن وزگەرتكەن ازاماتتار 1 اي ىشىندە ورىنداۋى ءتيىس تالاپتار بار.

Паспорт удостоверение личности төлқұжат жеке күәлік
Фото: Kazinform

الماتى قالاسى ادىلەت دەپارتامەنتىنىڭ باسشىسى بالايم كەسەبايەۆا وڭىرلىك كوممۋنكاتسيالار قىزمەتىنىڭ الاڭىندا دەپارتامەنتتىڭ ءبىر جىلدىق جۇمىس ناتيجەسىمەن ءبولىستى. بريفينگ بارىسىندا بالايم كەسەبايەۆا اتى- ءجونىن وزگەرتكەن ازاماتتار ءبىر اي ىشىندە ءتولقۇجاتىن اۋىستىرۋدى ۇمىتىپ كەتەتىنىن ايتتى.

- قازىرگى ۋاقىتتا اتى-ءجونىن وزگەرتۋ تۋرالى اكت جازباسى تىركەلمەيدى جانە اتىن، اكەسىنىڭ اتىن جانە تەگىن وزگەرتۋ تۋرالى كۋالىك بەرىلمەيدى. كەيبىر ازاماتتار اتىن نەمەسە اكەسىنىڭ اتىن وزگەرتكەننەن كەيىن ءبىر اي ىشىندە جەكە كۋالىگى مەن ءتولقۇجاتىن اۋىستىرۋدى ۇمىتىپ كەتەدى. مۇنداي ازاماتتارعا ءبىر اي ىشىندە جەكە باسىن كۋالاندىراتىن قۇجاتتاردى اۋىستىرۋ قاجەت، - دەدى ول.

جالپى «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ الماتىداعى فيليالىنىڭ مالىمەتىنشە، 2024 -جىلى مەگاپوليستە 4294 ادام تەگىن وزگەرتكەن.

ەسكە سالايىق، بۇعان دەيىن الماتىداعى نوتاريۋستار مەن ادۆوكاتتاردىڭ سانى قانشا ەكەنىن جازعانبىز.

اۆتور

دوسبول اتاجان

سوڭعى جاڭالىقتار