الماتىدا بالالار بايقاۋىن ۇيىمداستىرۋشى الاياقتىق جاسادى دەگەن كۇدىككە ءىلىندى
الماتى. KAZINFORM - الماتى قالاسىنىڭ پوليتسيا دەپارتامەنتى كامەلەتكە تولماعان بالالاردىڭ اتا-انالارىنان حالىقارالىق بايقاۋعا قاتىسۋ سىلتاۋىمەن اقشا جيناۋ دەرەگى بويىنشا سوتقا دەيىنگى تەرگەۋ جۇمىستارىن باستادى.
پوليتسيا مالىمەتىنە سايكەس، 2024 -جىلدىڭ جەلتوقسان ايىندا جاريالانعان ءىس-شارانىڭ ۇيىمداستىرۋشىسى شەتەلدە وتەدى دەگەن بايقاۋعا قاتىسۋدى ۇسىنىپ، اتا-انالاردان قارجى جيناعان. الايدا بايقاۋ وتكىزىلمەگەن، بالالار شەتەلگە شىقپاعان جانە قارجى قايتارىلماعان.
- قازىرگى تاڭدا ەلدىڭ بىرنەشە وڭىرىنەن ازاماتتاردان ارىزدار تىركەلدى. ماتەريالدىق شىعىن كولەمى انىقتالۋ ۇستىندە. كۇدىكتى ۇستالىپ، ۋاقىتشا ۇستاۋ يزولياتورىنا قامالدى. كەشەندى تەرگەۋ امالدارى جۇرگىزىلىپ جاتىر، - دەپ حابارلادى دەپارتامەنتتەن.
سونىمەن قاتار ءتارتىپ ساقشىلارى بالالاردىڭ ساپارىنا قاتىستى كەلىسىم جاساعاندا قىراعىلىق تانىتۋعا جانە قانداي دا ءبىر ۇسىنىستىڭ زاڭدىلىعىنا كۇمان تۋىنداعان جاعدايدا پوليتسياعا جۇگىنۋگە شاقىردى.
ەسكە سالايىق، بۇعان دەيىن الاياقتىقپەن 6 ادامنىڭ 63 ميلليون تەڭگەسىن جىمقىرعان كۇدىكتى رەسەيدە ۇستالعانىن جازعانبىز.
اۆتور
دوسبول اتاجان
