الماتىدا گازبەن جۇرەتىن قوعامدىق كولىكتەردىڭ ۇلەسى 53 پايىز عا جەتتى

الماتىنىڭ كوممۋنالدىق اۆتوپاركىنە گازبەن جۇرەتىن 500 جاڭا اۆتوبۋس كەلدى، دەپ حابارلايدى Kazinform.

قالالىق اكىمدىكتىڭ مالىمەتىنشە، جازدا جولعا 100 گازبەن جۇرەتىن جاڭا اۆتوبۋس شىقتى. قازىر تاعى 500 اۆتوبۋس راسىمدەلدى.

«ولار جولاۋشىلار ەڭ كوپ جۇرەتىن مارشرۋتتارعا شىعادى. مىسالى، 2024 -جىلدىڭ قاڭتارىندا №63، №28، №14، №92، №120، №120ا، №79، №50 جانە تاعى باسقا باعىتتاردى كۇشەيتۋ جوسپاردا»، - دەپ حابارلادى اكىمدىكتەن.

بۇعان قوسا، تروللەيبۋس پاركىنە 100 تروللەيبۋس ساتىپ الىندى، قازىر ولار جولاۋشىلاردى تاسىمالداپ ءجۇر.

«سونداي- اق جەكە تاسىمالداۋشىلار تۇراقتى نەگىزدە جاڭا كولىكتەردى ساتىپ الۋدا، بيىل 550 اۆتوبۋسقا ارنالعان جىلجىمالى قۇرام جاڭارتىلدى. وسىلايشا، 2023 -جىلدىڭ سوڭىنا قاراي قوعامدىق كولىكتىڭ ەكولوگيالىق وتىن تۇرىندەگى ۇلەسى %53- عا جەتتى»، - دەلىنگەن حابارلامادا.

اۆتور

الما مۇقانوۆا