الماتىدا ايەل كوپ قاباتتى ءۇيدىڭ تەرەزەسىنەن قۇلاپ، قايتىس بولدى

الماتى. KAZINFORM - الەۋمەتتىك جەلىلەردە الماتىداعى كوپ قاباتتى ءۇيدىڭ تەرەزەسىنەن ايەلدىڭ قۇلاپ كەتكەنى حابارلاندى.

جەلىدە تاراعان بەينەجازبادا ايەلدىڭ تۇرعىن ءۇيدىڭ تەرەزەسىنە شىعىپ، وقىس قىلىقتار جاساعانىن كورۋگە بولادى. اتالعان جاعدايعا بايلانىستى پوليتسيا دەپارتامەنتى تۇسىنىكتەمە بەرىپ، وقيعا «تەرەمكي» تۇرعىن ءۇي كەشەنىندە بولعانىن راستادى.

«ءوز-وزىنە قول جۇمساۋ دەرەگى بويىنشا قىلمىستىق ءىس قوزعالدى. سەبەپ-سالدارى مەن ءمان-جايى انىقتالىپ جاتىر»، - دەپ حابارلادى پ د باسپا ءسوز قىزمەتىنەن.

الماتى قالاسىنىڭ دەنساۋلىق ساقتاۋ باسقارماسى كەلىنشەك جەدەل جاردەم كەلگەنگە دەيىن قايتىس بولىپ كەتكەنىن مالىمدەدى.

ەسكە سالايىق، بۇعان دەيىن الماتىدا ايەل ساياباقتاعى اتتراكسيوننان سەكىرىپ، سۋيتسيد جاساعانىن جازعان ەدىك.

جاس كەلىنشەك ءوز-وزىنە قول جۇمساماس بۇرىن كىشكەنتاي قىزىن ولتىرگەنى انىقتالدى.

ساياباقتاعى اتتراكسيوننان قۇلاعان ايەلگە قاتىستى پروكۋرورلار ءىس قوزعادى.

اۆتور

دوسبول اتاجان