الماتىدا اياققا ماسساج جاسايتىن اپپارات ساتاتىن كومپانياعا ايىپپۇل سالىندى
استانا. KAZINFORM - تەحنيكالىق رەتتەۋ جانە مەترولوگيا كوميتەتىنىڭ الماتى قالاسى بويىنشا دەپارتامەنتى جەكە تۇلعانىڭ ءوتىنىشى نەگىزىندە «Lux Kazakhstan Group» ج ش س قاتىستى LUX Maxima اياققا ارنالعان ماسساج اپپاراتىنىڭ سايكەستىك سەرتيفيكاتتارى مەن تۇتىنۋشىعا ارنالعان اقپاراتتارسىز ساتۋ فاكتىسى بويىنشا جوسپاردان تىس تەكسەرىس جۇرگىزدى.
دەرەككە قاراعاندا، LUX Maxima اياققا ارنالعان ماسساج اپپاراتى جونىندەگى وداقتىڭ تەحنيكالىق رەگلامەنتتەرى ادام ءومىرى مەن دەنساۋلىعىن، مۇلىكتى قورعاۋدى قامتاماسىز ەتۋ، سونداي-اق تۇتىنۋشىلاردى (پايدالانۋشىلاردى) ونىڭ ماقساتى مەن قاۋىپسىزدىگىنە قاتىستى جاڭىلىستىراتىن ارەكەتتەردىڭ الدىن الۋ تالاپتارىنا سايكەس كەلۋى ءتيىس.
- جوسپاردان تىس تەكسەرىس جۇرگىزۋ بارىسىندا LUX Maxima اياققا ارنالعان ماسساج اپپاراتىندا سايكەستىكتى باعالاۋ تۋرالى قۇجاتتار، سونداي-اق مەملەكەتتىك جانە رەسمي تىلدە تۇتىنۋشىعا ارنالعان اقپاراتتىڭ بولماعانى انىقتالدى، بۇل «تەحنيكالىق رەتتەۋ تۋرالى» زاڭنىڭ 35-بابىن بۇزۋ بولىپ تابىلادى.
زاڭ تالاپتارىن بۇزعانى ءۇشىن «Lux Kazakhstan Group» ج ش س ق ر ا ق ب ت ك- ءنىڭ 415-بابى بويىنشا اكىمشىلىك جاۋاپكەرشىلىككە تارتىلىپ، 383370 تەڭگە كولەمىندە اكىمشىلىك ايىپپۇل سالىندى، - دەپ جازىلعان اقپاراتتا.
ازاماتتاردىڭ ومىرىنە، دەنساۋلىعىنا، مۇلكىنە جانە قورشاعان ورتاعا قاۋىپتى ونىمدەردى وتكىزبەۋ ماقساتىندا، كاسىپكەرلىك كودەكسىنە سايكەس انىقتالعان زاڭ بۇزۋشىلىقتاردى جويۋ تۋرالى ۇيعارىم شىعارىلعان. سونىمەن قاتار ءونىمدى اينالىسقا شىعارۋعا تىيىم سالۋ تۋرالى جەدەل دەن قويۋ شاراسى قولدانىلدى.
سونداي-اق، شارا بارىسىندا دەپارتامەنت قىزمەتكەرلەرى كەدەن وداعىنىڭ تەحنيكالىق رەگلامەنتتەرىن جانە «تەحنيكالىق رەتتەۋ تۋرالى» زاڭنىڭ تالاپتارىن ساقتاۋ بويىنشا ءتۇسىندىرۋ جۇمىستارىن جۇرگىزدى.
ايتا كەتەيىك، اتىراۋدا زاڭسىز قۇمار ويىنعا اقشا قابىلداعان كاسسيرگە 738 مىڭ ايىپپۇل سالىندى.
