الماتىدا العاشقى موپەد تىركەلىپ، ءنومىر الدى
الماتى. KAZINFORM - الماتىدا العاشقى موپەد جۇرگىزۋشىسى كولىكتىڭ تەحنيكالىق ءتولقۇجاتىن جانە مەملەكەتتىك تىركەۋ ءنومىرىن الدى.

الماتى قالاسى پوليتسيا دەپارتامەنتىنىڭ مالىمەتىنە سايكەس، 11-قاڭتاردان باستاپ پيلوتتىق جوبا اياسىندا موپەدتەردى تىركەۋگە رۇقسات بەرەتىن ەرەجەلەر كۇشىنە ەندى.
- 2024 -جىلى «جول قوزعالىسى تۋرالى» زاڭعا تۇزەتۋلەر ەنگىزىلدى. ەندى موپەد جۇرگىزۋشىلەرى جول قوزعالىسىنىڭ تولىققاندى قاتىسۋشىلارىنا جاتادى جانە ولارعا بارلىق زاڭ تالاپتارى قولدانىلادى. ق ر ىشكى ىستەر مينيسترلىگى ولاردى تىركەۋ ءۇشىن قاجەتتى قۇجاتتاردىڭ تىزبەسىن ازىرلەدى. زاڭ تالاپتارىن بۇزباۋ ءۇشىن موپەدتەردى تىركەۋ جانە А1 ساناتىنداعى جۇرگىزۋشى كۋالىگىن الۋ قاجەتتىگىن حابارلايمىز، - دەدى الماتى قالاسى پ د اكىمشىلىك پوليتسيا باسقارماسى پروتسەسسينگ ورتالىعىنىڭ باسشىسى ايدىن مەركىمبايەۆ.
ەسكە سالايىق، بۇعان دەيىن 2025 -جىلدىڭ 4- ساۋىرىنەن باستاپ، موپەد جۇرگىزۋشىلەرىنە قاتىستى وزگەرىستەر ىسكە قوسىلاتىنىن جازعانبىز.
اۆتور
دوسبول اتاجان