الماتى وبلىسىنىڭ ەگىس القابىندا قارا قۇرت قاپتادى
الماتى. KAZINFORM - الماتى وبلىسى كەگەن اۋدانى قارابۇلاق ەلدىمەكەنىندە قارا قۇرت قاپتادى. قازىر جايىلىمدى جايلاعان زيانكەستەرمەن كۇرەس ءجۇرىپ جاتىر.
الماتى وبلىسى اكىمدىگىنەن ءمالىم ەتكەندەي، قارابۇلاق اۋىلدىق وكرۋگى اقاي نۇسىپبەكوۆ اۋىلىنداعى ەگىس القابىنا جايىلعان شىتىرگۇلدىلەردىڭ جاپىراق جەمىرى اتالاتىن قۇرتتى جويۋ جۇمىستارى ءجۇرىپ جاتىر.
اعاناس جازىعىنداعى القاپقا وبلىستىق اۋماقتىق ينسپەكتسياسى باسشىسىنىڭ ورىنباسارى دارحان كارىباي ۇلى، وسىمدىكتەردى قورعاۋ جانە كارانتين عىلىمي زەرتتەۋ ينستيتۋتىنىڭ ەنتومولوگى ءىزباسار يساتاي ۇلى كەلدى.
مامانداردىڭ سوزىنشە، قاپتاپ كەتكەن قارا قۇرتتىڭ ەكونوميكالىق زياندى شەكتىك دەڭگەيدەن اسىپ كەتكەن.
كەگەن اۋدانىنىڭ اكىمى نۇرباقىت تەڭىزبايەۆ شارۋالارمەن كەزدەسىپ، اۋداننان اكەلىنگەن ءدارى بۇرككىش قۇرىلعىلار مەن ارنايى قورعانىش كيىمدەردى تابىستادى.
اۋىلداعى 137 شارۋا قوجالىق جينالىپ ، ۋلاۋ شارالارىن جۇرگىزدى.
ءۇش كۇننەن بەرگى تىنىمسىز ەڭبەك ءوز ناتيجەسىن بەرە باستادى.
جەتى گەكتار ايماققا «بي-58» پرەپاراتى سەبىلدى.
اۆتور
الما مۇقانوۆا
