الماتى وبلىسىنىڭ اۋىلىندا بەسىنشى «جايلى مەكتەپ» اشىلدى
استانا. KAZINFORM - «جايلى مەكتەپ» ۇلتتىق جوباسى اياسىندا سالىنعان مەكتەپتەردىڭ %40- دان استامى اۋىلدىق جەرلەردە ورنالاسقان، دەپ حابارلايدى وقۋ-اعارتۋ مينيسترلىگىنىڭ باسپا ءسوز قىزمەتى.
مەملەكەت باسشىسىنىڭ تاپسىرماسى بويىنشا ەلىمىزدە «جايلى مەكتەپ» ۇلتتىق جوباسى قارقىندى جۇزەگە اسىرىلۋدا. الماتى وبلىسىنىڭ كوكوزەك اۋىلىندا ورنالاسقان كەزەكتى 36- مەكتەپ ەسىگىن ايقارا اشتى.
1500 وقۋشىعا ارنالعان مەكتەپ زاماناۋي ستاندارتتار بويىنشا جابدىقتالعان جانە قالالىق مەكتەپتەردەن كەم تۇسپەيدى. اتالعان مەكتەپ 68 وقۋ كابينەتىمەن، STEM- زەرتحانالارمەن، روبوتوتەحنيكا كابينەتتەرىمەن، حورەوگرافيالىق زالمەن، سپورت زالدارىمەن، دەمالىس جانە نەتۆوركينگ ورتالىقتارامەن جابدىقتالعان.
وندا ەرەكشە ءبىلىم بەرۋ قاجەتتىلىكتەرى بار بالالار ءۇشىن بارلىق جاعداي قاراستىرىلعان، ءار وقۋشى ءۇشىن جەكە شكافتارى بار. سونىمەن قاتار بارلىق وقۋ كابينەتتەرى جاڭا تەحنولوگيالارمەن - ينتەراكتيۆتى تاقتالارمەن جانە كومپيۋتەرلەرمەن جابدىقتالعان، بۇل وقىتۋدىڭ يننوۆاتسيالىق ادىستەرىن ەنگىزۋگە جانە ءبىلىم بەرۋ پروتسەسىنىڭ ساپاسىن ارتتىرۋعا ىقپال ەتەدى.
ايتا كەتەيىك، بۇل - «جايلى مەكتەپ» ۇلتتىق جوباسى اياسىندا الماتى وبلىسىنىڭ اۋىلدىق جەرلەرىندە سالىنعان بەسىنشى مەكتەپ. جالپى، بيىلعى جىلدىڭ باسىنان بەرى ەلىمىزدە 36 جايلى مەكتەپ پايدالانۋعا بەرىلدى، ونىڭ 15- ءى اۋىلدىق ەلدى مەكەندەردە ورنالاسقان.
بۇعان دەيىن حابارلاعانىمىزداي، شىمكەنتتە 18 جايلى مەكتەپ سالىنادى.
اۆتور
اينۇر تۋماكبايەۆا
