الماتى وبلىسىندا پوليتسيا باستىعىنىڭ 2 ورىنباسارى تاعايىندالدى
قونايەۆ. KAZINFORM - الماتى وبلىسى پوليتسيا دەپارتامەنتى باستىعىنىڭ ورىنباسارى قىزمەتتەرىندە اقىلبەك تولەۋوۆ جانە نۇرجان بايقۇلوۆ تاعايىندالدى.
قازاقستان رەسپۋبليكاسى ىشكى ىستەر ءمينيسترىنىڭ بۇيرىعىمەن پوليتسيا پودپولكوۆنيگى اقىلبەك تولەۋوۆ الماتى وبلىسى پوليتسيا دەپارتامەنتى باستىعىنىڭ ورىنباسارى قىزمەتىنە تاعايىندالدى.
اقىلبەك تولەۋوۆ 1982 -جىلى تۋعان. ونىڭ ەكى جوعارى ءبىلىمى بار. ول س. سەيفۋللين اتىنداعى قازاق اگروتەحنيكالىق ۋنيۆەرسيتەتىن جانە ق ر ءى ءى م اكادەمياسىن بىتىرگەن. ىشكى ىستەر ورگاندارىنداعى قىزمەتىن 2005 -جىلى باستاعان. وسى ۋاقىتقا دەيىن وسى ۆەدومستۆودا اقپاراتتاندىرۋ جانە بايلانىس باسقارماسىنىڭ باستىعى قىزمەتىن اتقاردى.
سونداي-اق ق ر ىشكى ىستەر ءمينيسترىنىڭ بۇيرىعىمەن پوليتسيا پولكوۆنيگى نۇرجان بايقۇلوۆ الماتى وبلىسى پوليتسيا دەپارتامەنتى باستىعىنىڭ ورىنباسارى قىزمەتىنە تاعايىندالدى.
نۇرجان بايقۇلوۆ 1977 -جىلى جامبىل وبلىسىندا دۇنيەگە كەلگەن، ەكونوميكا جانە زاڭ عىلىمدارىنىڭ ماگيسترى. ىشكى ىستەر ورگاندارىندا قىزمەتىن 1996 -جىلى باستاپ، ءتۇرلى باسشىلىق لاۋازىمداردا قىزمەت اتقاردى. وسى ۋاقىتقا دەيىن الماتى وبلىسى پوليتسيا دەپارتامەنتى تىلمەن قامتاماسىز ەتۋ باسقارماسىنىڭ باستىعى قىزمەتىن اتقاردى.
ەسكە سالايىق، بۇعان دەيىن سانجار ءادىلوۆ ىشكى ىستەر ءمينيسترىنىڭ ورىنباسارى لاۋازىمىنا تاعايىندالعانىن جازعانبىز.
قازان ايىندا الماتى وبلىسىنىڭ پوليتسيا دەپارتامەنتىنە جاڭا باسشى تاعايىندالدى.
اۆتور
دوسبول اتاجان
