الماتى وبلىسىندا جولاۋشى پوليتسەيلەرگە تاپ بەرىپ، سوققىعا جىققان
الماتى. KAZINFORM - الماتى وبلىسىنىڭ پوليتسيا دەپارتامەنتى قىزمەت بارىسىندا ءتارتىپ ساقشىلارىنا شابۋىل جاساعان ەر ادامنىڭ ۇستالعانىن حابارلادى.

- 12-ماۋسىمدا اكىمشىلىك ۋچاسكەنى پاترۋلدەۋ كەزىندە جول تاڭبالاۋ ەرەجەسىن ساقتاماعانى ءۇشىن Mercedes Benz كولىگىن باسقارعان جەرگىلىكتى تۇرعىن توقتاتىلدى. اۆتوكولىك جۇرگىزۋشىسىنىڭ قۇجاتتارىن تەكسەرۋ بارىسىندا جولاۋشى رەتىندە جۇرگەن 20 جاستاعى ەر ادام پوليتسيا قىزمەتكەرىنە دەنە جاراقاتىن كەلتىردى. كۇدىكتى ۇستالىپ، ۋاقىتشا ۇستاۋ يزولياتورىنا قامالدى، - دەپ حابارلايدى وبلىستىق پ د.
سونداي-اق دەپارتامەنتتىڭ باسپا ءسوز قىزمەتى اتالعان جاعدايعا وراي بيلىك وكىلىنە كۇش كورسەتۋ فاكتىسى بويىنشا قىلمىستىق ءىس قوزعالعانىن مالىمدەدى.
بولعان وقيعانىڭ ءمان-جايى مەن سەبەپتەرىن انىقتاۋ ءۇشىن تەرگەۋ جۇمىسى ءجۇرىپ جاتىر.
ەسكە سالايىق، بۇعان دەيىن الماتىلىق پوليتسەيلەردىڭ مەگاپوليستەگى ۆەيپ دۇكەندەرگە رەيد جاساعانىن جازعان ەدىك.
اۆتور
دوسبول اتاجان