الماتى وبلىسى: دولان اۋىلىنىڭ تۇرعىندارى كوشەلەردىڭ ءبىرىن جاۋىپ تاستادى
قونايەۆ. KAZINFORM - بىرنەشە كۇننەن بەرى اۋىز سۋسىز وتىرعان الماتى وبلىسى قاراساي اۋدانى دولان اۋىلىنىڭ تۇرعىندارى نارازىلىققا تانىتىپ، اۋىل كوشەلەرىنىڭ ءبىرىن جاۋىپ تاستادى. وقيعانىڭ بەينەجازباسى الەۋمەتتىك جەلىدە تارادى.
جەلىدەگى بەينەجازبادان نارازىلىق ءبىلدىرىپ، كوشەدەگى كولىكتەردىڭ جولىن قيعان تۇرعىنداردى ءتارتىپ ساقشىلارىنىڭ تاراتۋعا تىرىسقانىن كورۋگە بولادى.
قاراساي اۋدانىنىڭ اكىمدىگى 11-تامىز كۇنى تەرەڭ ۇڭعىما سورعىسىنىڭ ىستەن شىعۋىنا بايلانىستى اۋىز سۋ بەرۋ توقتاعانىن حابارلادى.
- دولان اۋىلىنداعى سۋ قۇبىرى بيىل ءساۋىر ايىنان بەرى «Bey AzhTrans» ج ش س قاراماعىندا. 11-تامىز كۇنى كەشكىسىن تەرەڭ ۇڭعىما سورعىسىنىڭ ىستەن شىعۋىنا بايلانىستى اۋىز سۋ بەرۋ توقتاعان ەدى. تەرەڭ ۇڭعىماداعى سورعى جاڭاسىنا اۋىستىرىلدى. قازىر ورتاشا قىسىممەن سۋ بەرىلىپ جاتىر، - دەپ حابارلادى اۋدان اكىمدىگىنەن.
اۆتور
دوسبول اتاجان
