الماتى جويقىن جەر سىلكىنىسىنە دايىن با
الماتى. KAZINFORM - الماتى جوعارى سەيسميكالىق ايماقتا ورنالاسقان. جەر سىلكىنۋ قاۋپى قاشاننان بار جانە تابيعات اپاتىنىڭ بۇل ءتۇرى بىرنەشە مارتە بولدى دا. سەيسمولوگيا عىلىمي- زەرتتەۋ ورتالىعى ماماندارىنىڭ بولجاۋىنشا، جىل سوڭىنا دەيىن 7 بالدان جوعارى جەر سىلكىنىسى بولۋ ىقتيمالدىعى تومەن.
بۇل تەك بولجام. «اپات ايتىپ كەلمەيدى» دەمەكشى، ەلىمىزدەگى ەڭ ءىرى مەگاپوليس جويقىن جەر سىلكىنىسىنە قانشالىقتا دايىن؟ بۇل ساۋالعا قالالىق توتەنشە جاعدايلار دەپارتامەنتى جاۋاپ بەردى.
توتەنشە جاعدايلار دەپارتامەنتى ءمالىم ەتكەندەي، الماتىدا كۇشتى جەر سىلكىنىسى بولعان جاعدايدا ساناۋلى ساعاتتا باس ساۋعالايتىن بازا قۇرىلادى.
«توتەنشە جاعدايلار مينيسترلىگىنىڭ «الاتاۋ» وڭتۇستىك جەدەل بازاسى قالانىڭ تۇركسىب اۋدانىنداعى ءسۇيىنباي 248 В مەكەنجايىندا ورنالاسقان.
لاگەردى قۇرۋ ۋاقىتى - 12 ساعات. ماتەريالدىق رەزەرۆ جۇيەسىندە شاتىرلار، توسەكتەر جانە ريۋكزاكتار سياقتى قاجەتتى زاتتار قاراستىرىلعان»، - دەپ حابارلادى دەپارتامەنتتەن.
زارداپ شەككەندەرگە جىلى كيىمدەر مەن باسقا دا قاجەتتى زاتتار ۇسىنىلادى. ءار 10 ادامعا ءبىر مەديتسينالىق جيناق بەرىلەدى، ونىڭ ىشىندە العاشقى مەديتسينالىق كومەك كورسەتۋگە ارنالعان قۇرالدار بار. سونداي-اق لاگەردە شاتىرلار، ۇيىقتاۋعا ارنالعان قاپتار، ءۇش كۇنگە جەتەتىن ازىق-تۇلىك قورى بولادى. شاتىرلاردىڭ سىيىمدىلىعى ءار قالاي 10-نان 40 ادامعا دەيىن. ازىرگە قالاشىق 50 مىڭ ادامعا ارنالعان.
توتەنشە جاعدايلار ءمينيسترى شىڭعىس ءارىنوۆ، الماتى ماڭىندا وسىنداي بىرنەشە لاگەر قۇرىلاتىنىن ايتقان بولاتىن. بۇل ءبىر ميلليونعا دەيىن تۇرعىندى قاۋىپسىزدىكپەن قامتاماسىز ەتۋگە مۇمكىندىك بەرەدى.
شاتىرلى قالاشىققا تۇرعىندارعا ءوز بەتىمەن بارۋ ۇسىنىلمايدى. ادامدار ول جاققا قالا بويىنشا مەكتەپتەردە، ۋنيۆەرسيتەتتەردە، تەاترلار مەن ستاديونداردا ورنالاسقان قابىلداۋ پۋنكتتەرىنەن جەتكىزىلەدى.
«قالادا باسپاناسىز قالعان زارداپ شەككەن حالىقتى قابىلدايتىن 384 پۋنكت بار. بۇل پۋنكتتەردە تۇرعىنداردى جيناۋ، ەسەپكە الۋ جانە ۋاقىتشا ورنالاستىرۋ جۇمىستارى جۇرگىزىلەدى. ءاربىر زارداپ شەگۋشىگە جەكە باسىن كۋالاندىراتىن قۇجاتتارى بولماسا، ونىڭ تەگى، اتى، اكەسىنىڭ اتى، تۋعان كۇنى، ج س ن كورسەتىلگەن ەۆاكۋاتسيا تۋرالى كۋالىك بەرىلەدى»، - دەپ حابارلادى ت ج د.
زارداپ شەككەن تۇرعىندار قابىلداۋ پۋنكتتەرىنەن كولىكپەن، ونىڭ ىشىندە تەمىرجولمەن قاۋىپسىز ايماقتارعا جەتكىزىلەتىن بولادى.
قابىلداۋ پۋنكتتەرى تۋرالى تولىق اقپارات 2 گ ي س كارتاسىندا، الماتى ت ج د مەن اكىمدىكتىڭ رەسمي سايتتارىندا ورنالاستىرىلعان. سونىمەن قاتار دەپاترامەنت QR كودى بار اقپاراتتىق تاقتايشالار ازىرلەدى.
كودتى سمارتفونمەن سكانەرلەپ، جاقىن ماڭداعى قابىلداۋ پۋنكتتەرىنە ەۆاكۋاتسيا جولدارىن قاراۋعا بولادى.
«ايتا كەتەيىك، الماتى اۋماعىندا تاۋلىگىنە 500 ادامعا دەيىن قابىلداي الاتىن اپاتتار مەديتسيناسى ورتالىعى مەن قۇتقارۋ قىزمەتىنىڭ ەكى كوشپەلى دالالىق اۋرۋحاناسى بار. حيرۋرگيالىق كومەك كورسەتۋگە قابىلەتتى گوسپيتال اۆتونومدى رەجيمدە 15 كۇنگە دەيىن جۇمىس ىستەي الادى»، - دەپ حابارالادى ۆەدومستۆودان.
وسىعان دەيىن ۇلتتىق سەيسمولوگيالىق باقىلاۋلار جانە زەرتتەۋلەر عىلىمي ورتالىعى ديرەكتورىنىڭ عىلىم جونىندەگى ورىنباسارى ەليزاۆەتا ەسەنجىگىتوۆا الماتىلىقتار جەر سىلكىنىسىنە ءارقاشان دايىن بولۋ كەرەكتىگىن ەسكەرتكەن بولاتىن.
سونداي- اق «دابىل سومكەسىنە» قانداي زاتتار سالۋ كەرەك ەكەنىن جازعان ەدىك.
اۆتور
الما مۇقانوۆا
