الماتى اكىمى قىتايداعى ەڭ ءىرى قۇرىلىس كومپانياسىنىڭ باسشىسىمەن كەزدەستى
الماتى. KAZINFORM - الماتى اكىمى ەربولات دوسايەۆ Pacific Construction Group قىتايلىق كومپانياسىنىڭ پرەزيدەنتى سونگ شاوتينمەن كەزدەستى.
الماتى اكىمى ەربولات دوسايەۆ پەن Pacific Construction Group كومپانياسىنىڭ پرەزيدەنتى سونگ شاوتين كولىك ينفراقۇرىلىمى (BRT، LRT، Metro)، سۋمەن جابدىقتاۋ، سۋ بۇرۋ وبەكتىلەرىن سالۋ جانە ت. ب. سالالارداعى ينۆەستيتسيالىق ىنتىماقتاستىق پەرسپەكتيۆالارىن تالقىلادى.
كەزدەسۋ بارىسىندا الماتى قالاسى مەن قىتاي حالىق رەسپۋبليكاسى اراسىندا دوستىق جانە سەرىكتەستىك قاتىناستار قالىپتاسقاندىعى اتاپ ءوتىلدى. 2023 -جىلى الماتى مەن قىتاي اراسىنداعى تاۋار اينالىمى %22- عا ۇلعايىپ، 9,4 ميلليارد ا ق ش دوللارىنا جەتكەن. بۇگىنگى تاڭدا قالادا قىتاي كاپيتالىنىڭ قاتىسۋىمەن 1914 كاسىپورىن جۇمىس ىستەيدى (ق ر - 3427 كاسىپورىن).
كەزدەسۋ قورىتىندىسى بويىنشا تاراپتار ەكىجاقتى قارىم-قاتىناستاردى ودان ءارى نىعايتۋعا جانە ءوزارا ءتيىمدى سەرىكتەستىككە دايىن ەكەندەرىن ءبىلدىردى.
انىقتاما: Pacific Construction Group-ق ح ر- داعى ەڭ ءىرى جەكە قۇرىلىس كومپانياسى، 1986 -جىلى قۇرىلعان، شتاب- پاتەرى شىڭجاڭداعى ءۇرىمجى قالاسىندا ورنالاسقان. 10 جىل قاتارىنان كومپانيا Fortune Global 500 تىزىمىنە ەنىپ، الەمدىك قۇرىلىس يندۋسترياسىندا 1- ورىنعا يە بولدى. قىزمەتتىڭ نەگىزگى باعىتى- جولداردى، كوپىرلەردى، پورتتاردى جانە ونەركاسىپتىك وبەكتىلەردى سالۋدى قوسا العاندا، ءىرى ينفراقۇرىلىمدىق جوبالارعا ينۆەستيتسيالار. سونداي-اق كومپانيا شاڭحاي- نانكين، شاڭحاي- جۋحاي، پەكين- شاڭحاي، پەكين- گونكونگ، ليانحۋو جولدارىن جانە قىتاي پروۆينتسيالارىنداعى قالالاردىڭ قۇرىلىسىنا قاتىستى. قازىرگى ۋاقىتتا كومپانيادا 700 مىڭعا جۋىق قىزمەتكەر جۇمىس ىستەيدى.
