الماتى اۋەجايىنىڭ جاڭا تەرمينالى جۇمىس ىستەپ تۇر ما

الماتى. KAZINFORM - «جۋىردا عانا سالتاناتتى تۇردە اشىلعان الماتى اۋەجايىنىڭ جاڭا تەرمينالى جۇمىس ىستەپ تۇرعان جوق». الەۋمەتتىك جەلىلەردە جولاۋشىلار وسىلاي شاعىم ايتىپ جاتىر. اگەنتتىك ءتىلشىسى ماسەلەنىڭ ءمان-جايىن انىقتاپ كوردى.

новый терминал аэропорта Алматы
Фото: Аkorda.kz

جەلىدە جاڭا تەرمينالعا قاتىستى شاعىم ايتقانداردىڭ ءبىرى - بەلگىلى PR- ساراپشى اسەل قاراۋلوۆا.

«Qatar Airways ەلەكتروندى پوشتاعا جاڭا تەرمينالدان ۇشاتىنىمىز تۋرالى حابارلاما جىبەردى. اۋەجايعا وزىمىزشە اسىعا جەتتىك. ءبىراق، ءبارى باسقاشا بولدى - سول باياعى ەسكى تەرمينال، ۇزىن- سونار كەزەك، قاپىرىق جانە تاعى باسقا دا «كەرەمەتتەر». ادەتتەگى جاعداي. تەرمينالدى پافوسپەن اشىپ تاستادى، ال ول ءالى ىسكە قوسىلماعان. سوندىقتان ەرتەرەك كەلىڭىزدەر، ادام وتە كوپ»، - دەپ جازدى ول پاراقشاسىندا.

әуежай
Фото: Досбол Атажан/Kazinform

الماتى اۋەجايىنىڭ باسپا ءسوز قىزمەتى بۇل رەتتە وكپەنى حابارلاما جىبەرگەن اۆياكومپانياعا ايتۋ كەرەكتىگىن العا تارتتى. سەبەبى، «جاڭا تەرمينالعا حالىقارالىق رەيستەردى كوشىرۋ ءالى دە جالعاسىپ جاتىر».

«بارلىق حالىقارالىق رەيستى قولدانىستاعى تەرمينالدان جاڭا تەرمينالعا بىرتىندەپ اۋىستىرۋ جوسپارلانىپ وتىر. حالىقارالىق رەيستەردى جاڭا تەرمينالعا تولىق اۋىستىرۋ ماۋسىم ايىنىڭ ىشىندە جۇزەگە اسىرىلادى. رەيستەردى جاڭا تەرمينالعا تولىعىمەن اۋىستىرعاننان كەيىن ەسكى تەرمينال ىشكى رەيستەر ءۇشىن پايدالانىلادى»، - دەيدى باسپا ءسوز قىزمەتىنەن.

әуежай
Фото: Досбол Атажан/Kazinform

الماتىلىق جولاۋشىلاردىڭ شاعىمىنا بايلانىستى ازاماتتىق اۆياتسيا كوميتەتى دە جاۋاپ بەردى. كوميتەت باسپا ءسوز قىزمەتىنىڭ مالىمەتىنە سايكەس، «Qatar Airways» اۋە كومپانياسى اسىعىستىق تانىتقان، ياعني 3-ماۋسىمنان باستاپ جاڭا تەرمينالعا كوشۋ تۋرالى ەلەكتروندىق حابارلامالاردى جولاۋشىلارعا مەرزىمىنەن بۇرىن تاراتقان. ءبىراق شەتەلدىك كومپانيا جۇيەلەردى ينتەگراتسيالاۋعا ۇلگەرمەي، بۇل جۇمىستار 11-ماۋسىمعا شەگەرىلگەن.

«5-ماۋسىمدا «Qatar Airways» اۋە كومپانياسى جولاۋشىلارعا رەيستەر 11-ماۋسىمنان باستاپ جاڭا تەرمينالدان جۇزەگە اسىرىلاتىندىعى تۋرالى حابارلاما جىبەردى. جولاۋشىلاردىڭ % 98- ى حابارلامامەن تانىسقان.

әуежай
Фото: Досбол Атажан/Kazinform

جالپى 1-ماۋسىمنان باستاپ تەرمينال 54 رەيسكە قىزمەت كورسەتتى: 1-ماۋسىم - 9 رەيس، 5-ماۋسىم - 17 رەيس. بارلىق حالىقارالىق رەيستى (كۇنىنە شامامەن 50 رەيس) تولىق اۋدارۋ كەزەڭ-كەزەڭىمەن جۇزەگە اسىرىلىپ، 20 -ماۋسىمدا اياقتالادى دەپ جوسپارلانىپ وتىر»، - دەپ مالىمدەدى كوميتەتتەن.

әуежай
Фото: Досбол Атажан/Kazinform

جاڭا تەرمينالعا كوشۋ جۇمىستارى راسىمەن ءالى اياقتالماعان. بۇعان Kazinform ءتىلشىسى كوز جەتكىزدى. اۋەجايدىڭ جالپى اۋماعىندا جانە جاڭا تەرمينالدىڭ ىشىندە كىشىگىرىم جوندەۋ جۇمىستارى ءجۇرىپ جاتىر.

әуежай
Фото: Досбол Атажан/Kazinform

ۇشىپ كەلىپ، ۇشىپ كەتىپ جاتقان جولاۋشىلار دا بار. ءبىراق جاڭا عيمارات ارقىلى ءوتىپ جاتقان جولاۋشى كوپ ەمەس. عيمارات ىشىندەگى ءدامحانالاردىڭ ءبىراز بولىگى، دارەتحانا مەن اۋە كومپانيالارىنىڭ تىركەۋ ورىندارى جابىق تۇر.

ايتا كەتسەك، جۋىردا پرەزيدەنت قاسىم-جومارت توقايەۆتىڭ الماتىعا جۇمىس ساپارى قالا اۋەجايىنىڭ جاڭا حالىقارالىق تەرمينالىن ارالاپ كورۋدەن باستالعان بولاتىن.

الماتى حالىقارالىق اۋەجايىنىڭ كورپوراتيۆتىك كوممۋنيكاتسيالار دەپارتامەنتى جاڭا تەرمينال 1-ماۋسىمدا ىسكە قوسىلاتىنىن حابارلادى.

جازدىڭ ءبىرىنشى كۇنى الماتى قالاسى اۋەجايىنىڭ جاڭا تەرمينالى العاشقى رەيستەردى قابىلداپ، اۋەجاي اتىنان جولاۋشىلارعا ەستەلىك سىيلىقتار تابىستالدى.

ال 4-ماۋسىم كۇنى «الماتى حالىقارالىق اۋەجايى» ا ق پرەزيدەنتى الپ ەر تۋنگا ەرسويدىڭ قىزمەتىنەن كەتكەنى ءمالىم بولدى. ەرتەسىنە-اق ونىڭ ورنىنا گوكەر كوسە تاعايىندالدى.

اۆتور

دوسبول اتاجان

سوڭعى جاڭالىقتار