الماتى اۋەجايىنداعى بارلىق حالىقارالىق رەيستەر جاڭا تەرمينالعا اۋىستىرىلدى
الماتى. KAZINFORM - بارلىق حالىقارالىق رەيس الماتى اۋەجايىنىڭ جاڭا تەرمينالىنان جۇزەگە اسىرىلماق.

«14 -ماۋسىم ساعات 1:00-دەن باستاپ بارلىق حالىقارالىق رەيستىڭ الماتى اۋەجايىنىڭ جاڭا تەرمينالىنان ۇشۋعا تولىق كوشۋى جۇزەگە اسىرىلدى. 2024 -جىلدىڭ 1 -ماۋسىمىنان باستاپ قازىرگى ۋاقىتقا دەيىن جاڭا تەرمينالدان بارلىعى 310 حالىقارالىق رەيس ورىندالدى جانە 43814 جولاۋشىلارعا قىزمەت كورسەتىلدى»، - دەلىنگەن حابارلامادا.

بۇگىنگى تاڭدا جاڭا تەرمينال 33 اۋە كومپانياعا قىزمەت كورسەتەدى.
«ونىڭ ىشىندە ءۇش قازاقستاندىق تاسىمالداۋشى - Air Astana, Scat, FlyArystan اۋە كومپانيالارى جانە 30 حالىقارالىق اۋە كومپانيالار بار»، - دەپ اتاپ ءوتتى ازاماتتىق اۆياتسيا كوميتەتىنەن.
بۇرىنعى تەرمينالدا (ت1) بارلىق ىشكى باعىتتار بويىنشا Air Astana, Scat, FlyArystan, Qazaq air جانە يۋجنوە نەبو اۋە كومپانيالارىنىڭ رەيستەرى ۇشادى.
الماتى اۋەجايىنىڭ جولاۋشىلارى مەن قوناقتارىنىڭ جايلىلىعى مەن ىڭعايلىلىعىن قامتاماسىز ەتۋ ءۇشىن ت1 تەرمينالىن قايتا جاڭارتۋ جانە تۇراق ايماعىن ۇلعايتۋ ماقساتىندا جوندەۋ- قۇرىلىس جۇمىستارى باستالدى.
وسىعان دەيىن الەۋمەتتىك جەلىدە الماتى اۋەجايىنىڭ جاڭا تەرمينالى جۇمىس ىستەمەي تۇرعانى تۋرالى اقپارات تاراعان بولاتىن.
اۆتور
الما مۇقانوۆا