الەم چەمپيونى مەرەي اقشالوۆ قازاقستان بوكس فەدەراتسياسىنىڭ باس حاتشىسى بولدى
استانا. KAZINFORM - قازاقستان بوكس فەدەراتسياسى پرەزيدەنتىنىڭ بۇيرىعىمەن مەرەي تولەگەن ۇلى اقشالوۆ ق ب ف باس حاتشىسى قىزمەتىنە تاعايىندالدى.
قازاقستان بوكس فەدەراتسياسىنىڭ باسپا ءسوز قىزمەتىنەن ءمالىم ەتكەنىندەي، مەرەي اقشالوۆ 36 جاستا، بوكستان الەم جانە ازيا چەمپيونى، ق ر ەڭبەك سىڭىرگەن سپورت شەبەرى.
مەرەي اقشالوۆ 1988 -جىلى 8 -مامىردا اباي وبلىسى اياگوز اۋدانى مىڭبۇلاق اۋىلىندا دۇنيەگە كەلگەن.
2004 -جىلى كادەتتەر اراسىندا ازيا چەمپيونى اتانعان م. اقشالوۆ بەيجىڭ وليمپياداسىنا قاتىستى.
2013 -جىلى اۋەلى ازيا، كەيىن الەم چەمپيونى اتاندى. وسى جىلدىڭ قورىتىندىسى بويىنشا «ازيانىڭ ۇزدىك بوكسشىسى» جانە قازاقستاندا «جىلدىڭ ۇزدىك سپورتشىسى» اتاعىنا يە بولدى.
م. اقشالوۆ - «قۇرمەت» وردەنىنىڭ يەگەرى.
ەسكە سالا كەتەيىك، بۇدان بۇرىن بوكستان 2025 -جىلعى الەم كۋبوگىنىڭ كەزەڭى قازاقستاندا وتەتىنىن جازعان بولاتىنبىز.
اۆتور
عايساعالي سەيتاق
