الداعى 3 كۇندە قار جاۋىپ، بۇرقاسىن بولادى

استانا. KAZINFORM - قازگيدرومەت الداعى 3 كۇنگە اۋا رايى بولجامىن جاريالادى.

«اپتانىڭ ورتاسىندا ەلىمىزدىڭ باتىسىندا، سودان كەيىن وڭتۇستىگىندە انتيتسيكلوننىڭ اسەرىنەن 15-16-قاراشادا وڭتۇستىك- شىعىستا، 16-قاراشادا رەسپۋبليكانىڭ ورتالىعىندا، شىعىسىندا جانە سولتۇستىك- شىعىسىندا جاۋىن- شاشىنسىز اۋا رايى بولجانادى.

ءبىراق بۇل رەتتە رەسپۋبليكانىڭ سولتۇستىك جارتىسىندا جانە وڭتۇستىك- شىعىسىندا قارلى اۋا رايى، سولتۇستىگىندە بۇرقاسىن ساقتالادى. 15-16 -قاراشادا سيكلون جىراسى بىرتىندەپ باتىس ايماقتارعا اۋىسادى، ودان جاۋىن- شاشىن جاڭبىر مەن قار تۇرىندە، سونداي-اق كوكتايعاق كۇتىلەدى. ەلىمىزدىڭ وڭتۇستىك- شىعىسىندا 14-قاراشادا قار جاۋادى دەپ بولجانۋدا. رەسپۋبليكا بويىنشا تۇمان مەن ەكپىندى جەل سوعادى»، - دەلىنگەن حابارلامادا.

سونداي-اق سينوپتيكتەر تۇندە اۋا تەمپەراتۋراسىنىڭ باتىستا 1-10 گرادۋسقا دەيىن جىلىناتىنىن، سولتۇستىك- باتىستا جانە سولتۇستىكتە 2-11 گرادۋس سۋىق بولاتىنىن بولجادى. ودان بولەك ورتالىقتا 5-13 گرادۋس ايازعا دەيىن، شىعىستا 5-18 گرادۋس ايازعا دەيىن، وڭتۇستىكتە 2-10 گرادۋس ايازعا دەيىن جوعارىلايدى، ەلىمىزدىڭ وڭتۇستىك- شىعىسىندا تۇندە 2-13 ايازعا دەيىن تومەندەيدى دەپ كۇتىلۋدە.

اۆتور

ساياگۇل جارىلقاسىن