الاياقتارعا الدانعان اقتوبەلىك 17 ميلليون تەڭگە نەسيە راسىمدەپ، اقشاسىنان ايىرىلىپ قالدى
اقتوبە. KAZINFORM - اقتوبەلىك ءتورت بانكتەن 17 ميلليون تەڭگە نەسيە الادى. كەيىن ونى الاياقتاردىڭ ەسەپشوتىنا اۋدارىپ جىبەرگەن.
اقتوبە وبلىستىق پوليتسيا دەپارتامەنتى تەلەفون ارقىلى قورقىتىپ-ۇركىتىپ، نەسيە راسىمدەتكەن كۇدىكتىگە قاتىستى ءىستى تەرگەپ جاتىر. ازىرگە قالا تۇرعىنىنان ارىز قابىلداندى.
- وزدەرىن حالىق بانكى جانە ۇلتتىق بانك قىزمەتكەرلەرى رەتىندە تانىستىرعان. جەكە دەرەكتەرىن وزگە بىرەۋلەر پايدالانىپ جاتقانىن ايتىپ سەندىرەدى. كەيىن قاۋىپسىزدىك ءۇشىن اقشانى باسقا ەسەپشوتقا اۋدارۋعا كوندىرەدى. جابىرلەنۋشىنىڭ الدانىپ جاتقانىن تۇسىنبەۋى ءۇشىن الاياقتار قورقىتادى، اسىقتىرادى. ءسويتىپ ءتورت بانكتەن 17 ميلليون تەڭگە نەسيە راسىمدەتكەن. جابىرلەنۋشى ءوز اتىنا العان نەسيەلەرىن قىلمىسكەرلەردىڭ شوتتارىنا اۋدارعان، - دەپ حابارلادى اقتوبە وبلىستىق پد باسپا ءسوز قىزمەتى.
ەسكە سالساق، اقتوبەدە بىلتىر ەسكىرتكى ساقتاۋ، ساتۋ بويىنشا 279 ءىس تىركەلدى. بارلىعى جارتى تونناعا جۋىق زات تاركىلەندى.
