الماتىلىق بويجەتكەن IELTS ەمتيحانىنان 9 ۇپاي جينادى

استانا. قازاقپارات - الماتىلىق بويجەتكەن IELTS ەمتيحانىنان 9 ۇپاي جينادى. بۇل الەم بويىنشا 10 مىڭ ادامنىڭ 3-ەۋى عانا قول جەتكىزەتىن ۇزدىك ناتيجە. قازاقستاندا وسىنداي جوعارى كورسەتكىشكە جەتكەندەر ساۋساقپەن سانارلىق، دەپ حابارلايدى 24KZ.

Германия мигранттарға арналған неміс тілі емтиханының талаптарын қатаңдатады
Фото: Pixabay

توميريس قاسىموۆا IELTS ەمتيحانىن ومىرىندە التى رەت تاپسىرعان. العاشىندا 7 بال جيناسا، كەيىن ناتيجەسى جاقسارا تۇسكەن. «الايدا 9 ۇپايدى تولىق جيناعاندا عانا وزىنە كوڭىلى تولاتىنىن سەزىپ، تالماي ەڭبەكتەندىم»، - دەيدى ول. بيىل سول دىتتەگەن ماقساتىنا جەتتى.

IELTS  - شەتەلدە وقۋعا، جۇمىسقا تۇرۋعا نەمەسە كوشىپ-قونۋعا (يمميگراتسياعا) ارنالعان اعىلشىن ءتىلىن مەڭگەرۋ دەڭگەيىن تەكسەرەتىن حالىقارالىق ەمتيحان.

 توميريس قاسىموۆا، الماتى قالاسىنىڭ تۇرعىنى:

 - سول توعىزدى العاندا مەن شامامەن ءۇش اي دايىندالدىم. ەندى ءۇش اي دەگەندە، قالاي دايىندالدىم؟ ءيا، ارينە، ادامنىڭ باستاپقى دەڭگەيى دە ۇلكەن ءرول وينايدى. مەنىڭ باستاپقى دەڭگەيىم نەگىزى ءبىراز جاقسى بولدى. ءبىراق ناقتى تەستتىڭ ادىستەرى، ستراتەگيالارى، قىسقا ۋاقىتتا قالاي بار ءبىلىمدى كورسەتۋ؟ سول جاعىنا جۇمىس جاسادىم.

«جوعارى ناتيجەگە جەتۋ ءۇشىن ءتىلدى تۇراقتى قولدانۋ دا ماڭىزدى»، - دەيدى ول. بۇل وقىعاندى كوڭىلگە مىقتاپ توقۋعا كومەكتەسەدى. دەگەنمەن ماماندار جەتىستىككە جەتۋدىڭ امبەباپ فورمۋلاسى بولمايدى دەگەن پىكىر ايتادى.

 دانا نىعمەتجانوۆا، TILU ونلاين مەكتەبى ساپا ءبولىمىنىڭ باسشىسى:

- جوعارى دەڭگەيگە دايىندالۋ بارىسىندا ەڭ ماڭىزدىسى ستۋدەنتتىڭ پروبلەمالىق نۇكتەلەرىن، ناقتى قانداي ماسەلە بار، سول ستۋدەنتكە قالاي جۇمىس جاساۋ كەرەك؟ سونى ءبىلۋ ماڭىزدى. بۇل جەردە بارلىعىنا كەلەتىن جالپىلاما باعدارلاما جاساۋ مۇمكىن ەمەس. ءار وقۋشىعا بەيىمدەلگەن جەكە ادىستەمە وتە ماڭىزدى بولادى.

 الەمدە ەمتيحاننان 9,0 ۇپاي جيناعاندار وتە از. ستاتيستيكا بويىنشا IELTS Academic تاپسىرعاندار اراسىندا بۇل ناتيجەگە شامامەن %0,03، IELTS General Training سىناعىنا كىرگەندەردىڭ %0,54 عانا قول جەتكىزەدى.