الماتىدا مەديسينالىق سۋرەتتەر ساقتالاتىن سيفرلىق ارحيۆ قۇرىلدى

الماتى قالاسى قوعامدىق دەنساۋلىق ساقتاۋ باسقارماسىنىڭ مالىمدەۋىنشە، ەندى باسقا ەمحاناعا بارعان كەزدە تۇرعىندارعا رەنتگەن سۋرەتتەرى مەن ديسكىلەرىن وزىمەن بىرگە الىپ ءجۇرۋدىڭ قاجەتى جوق.

قازىر جۇيەگە 69 مەديتسينالىق ۇيىم مەن 216 دياگنوستيكالىق اپپارات قوسىلعان. تسيفرلىق ارحيۆتە 800 مىڭنان استام زەرتتەۋ ناتيجەسى جيناقتالىپ، 1 ميلليوننان استام ناۋقاس تىركەلگەن.

جاڭا جۇيە مەديتسينالىق سۋرەتتەردى 25 جىلعا دەيىن ساقتاي الادى. دارىگەرلەر ءار جىلدارى جۇرگىزىلگەن تەكسەرۋ ناتيجەسىن سالىستىرىپ، ناۋقاستىڭ دەنساۋلىعىنداعى وزگەرىستى باقىلاي الادى.

بۇل، اسىرەسە، ونكولوگيالىق، جۇرەك-قان تامىرلارى جانە سوزىلمالى اۋرۋلارى بار، ۇنەمى تەكسەرىلىپ تۇرۋدى قاجەت ەتەتىن ناۋقاستار ءۇشىن ماڭىزدى.

- جۇيە ساۋلەلىك دياگنوستيكانىڭ نەگىزگى باعىتتارىن بىرىكتىرەدى. ولاردىڭ قاتارىندا رەنتگەنوگرافيا، فليۋوروگرافيا، مامموگرافيا، كومپيۋتەرلىك جانە ماگنيتتىك- رەزونانستىق توموگرافيا، سونداي-اق انگيوگرافيا بار، - دەدى الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى مارات پاشيموۆ.

ءۇش اي ىشىندە جۇيەدە 603467 زەرتتەۋ تىركەلگەن. سيفرلىق ارحيۆپەن جۇمىس ىستەۋ ءۇشىن رەنتگەنولوگ دارىگەرلەرگە ارنالعان 113 جۇمىس ورنى جانە سونشا دياگنوستيكالىق مونيتور ورناتىلعان.

مارات پاشيموۆ 2026 -جىلدىڭ سوڭىنا دەيىن مەديتسينالىق كومەكتىڭ كەپىلدىك بەرىلگەن كولەمى (تمككك) جانە مىندەتتى الەۋمەتتىك مەديتسينالىق ساقتاندىرۋ (م ءا م س) اياسىندا قىزمەت كورسەتەتىن جەكەمەنشىك كلينيكالاردى ءبىرىڭعاي جۇيەگە قوسۋدى تاپسىردى.