الماتىدا پوليتسيا «اقىلدى» كوزىلدىرىكتى سىناقتان وتكىزدى
استانا. قازاقپارات - الماتىدا پوليتسيا قىزمەتىنە زاماناۋي سيفرلىق شەشىمدەر ەنگىزىلىپ جاتىر. سونىڭ ءبىرى - بيومەتريالىق بەينەتالداۋ فۋنكسياسى بار AR- اقىلدى كوزىلدىرىك، دەپ حابارلايدى Polisia.kz.
قۇرىلعى ادامنىڭ بەت-الپەتىن ۆەدومستۆولىق دەرەكقورلار ارقىلى جەدەل تەكسەرۋگە مۇمكىندىك بەرەدى. ازىرگە قۇرىلعى پيلوتتىق رەجيمدە، ءبىر دانا كولەمىندە قولدانىلىپ جاتسا دا، العاشقى ناتيجەسىن بەردى. جاقىندا قالاداعى مەشىتتەردىڭ بىرىندە وسى كوزىلدىرىك ارقىلى شىمكەنت پوليتسياسى ىزدەستىرىپ جاتقان ەر ادام انىقتالدى. اقپارات تەكسەرىلگەننەن كەيىن ول ۇستالىپ، ودان ءارى پروتسەستىك ارەكەتتەر ءۇشىن ءتيىستى ورگانعا تاپسىرىلدى.
تەحنولوگيانىڭ ارتىقشىلىعى - قىزمەتكەرگە سمارتفون نەمەسە پلانشەتكە الاڭداماي-اق، ىزدەۋدەگى تۇلعامەن سايكەستىك تۋرالى اقپاراتتى تىكەلەي كوزىلدىرىك ەكرانىنان كورۋگە مۇمكىندىك بەرەدى. بۇل اسىرەسە ادام كوپ جينالاتىن قوعامدىق ورىنداردا پاترۋلدىك قىزمەت اتقارۋ كەزىندە ماڭىزدى. الماتى قالالىق پوليتسيا دەپارتامەنتىندە زاماناۋي تەحنولوگيالاردى قولدانۋ جەدەلدىكتى ارتتىرۋعا، ىزدەستىرۋ جۇمىستارىنىڭ تيىمدىلىگىن كۇشەيتۋگە جانە قوعامدىق قاۋىپسىزدىكتى قامتاماسىز ەتۋگە باعىتتالعانىن اتاپ ءوتتى.