الماتىدا ءىرى كوشەلەردى اينالما جولعا قوسىپ جاتىر
استانا. قازاقپارات - الماتىداعى التى بىردەي كوشە كەلەسى جىلى ۇلكەن الماتى اينالما جولىنا قوسىلادى. قازىر اباي داڭعىلىندا قۇرىلىس قىزۋ ءجۇرىپ جاتىر. بۇل كوشە باتىسقا قاراي شامامەن 3,5 شاقىرىمعا سوزىلادى. قۇرىلىستىڭ اياقتالۋىن الماتى وبلىسىنىڭ تۇرعىندارى اسىعا كۇتىپ ءجۇر.
قازان ايىنىڭ سوڭىندا جولدىڭ رايىمبەك اۋىلى ءسۇيىنباي كوشەسىنە دەيىنگى بولىگىن قولدانىسقا بەرۋ جوسپارلانعان. سودان كەيىن كارەرنايا كوشەسىنەن قايتا جالعاسىپ ۇلكەن الماتى اينالما جولىنا قوسىلادى. اكىمدىك وكىلدەردى جەكەمەنشىك جەرلەردىڭ يەلەرىمەن كەلىسسوز قول بايلاپ وتىر دەيدى. اباي داڭعىلىن سوزۋ ءۇشىن قۇرىلىس قاجەتتىلىگىنە دەپ 80-نەن اسا جەر تەلىمى ساتىپ الىندى.
ايدوس جەلدىكبايەۆ ، الماتى قالاسى جول ينفراقۇرىلىمىن دامىتۋ ءبولىمىنىڭ باسشىسى:
- اباي داڭعىلىمەن قوسا ساين، رىسقۇلوۆ، تىلەنديەۆ، اقىن سارا جانە سولتۇستىك اينالما كوشەسى ۇزارتىلادى. قۇرىلىس جۇمىستارىنىڭ قارقىنى جەر تەلىمدەرىن ساتىپ الۋعا بايلانىستى. مەردىگەر الماتى وبلىسىنىڭ اۋماعىندا دا جۇمىس ىستەپ جاتىر. جۇمىستاردى 2027 -جىلى اياقتاۋ جوسپارلانىپ وتىر.
24.kz
