الماتىدا 3 فارماسيەۆتيكا زاۋىتى سالىنادى
استانا. قازاقپارات - ەلدىڭ فارماسيەۆتيكا نارىعىنىڭ كولەمى 1 تريلليون 285 ميلليارد تەڭگەگە جەتتى. سوڭعى ەكى جىلدا نارىق 31 پايىزعا وسكەن. ال وتاندىق ءدارى-دارمەك ءوندىرىسى 37 پايىزعا ارتتى، دەپ حابارلايدى 24KZ.
بۇل تۋرالى ۇكىمەت وتىرىسىندا دەنساۋلىق ساقتاۋ ءمينيسترى اقمارال ءالنازاروۆا مالىمدەدى. سونىمەن قاتار الماتىدا ءۇش جاڭا فارماسيەۆتيكالىق زاۋىت سالۋ جوسپارلانىپ وتىر. باس دارىگەردىڭ بايانداماسىنان ەلدەگى ءدارى-دارمەك ءوندىرىسى بويىنشا وڭ وزگەرىستەردى بايقاۋعا بولادى. ءتىپتى وتكەن جىلدىڭ وزىمەن سالىستىرعاندا ءوسىم بار. ماسەلەن، بيىل 157 ميلليارد تەڭگەنىڭ ءونىمى ءوندىرىلدى. «بۇل بىلتىرعى جىلمەن سالىستىرعاندا %30- عا جوعارى»، - دەيدى مينيستر.
باسى اۋىرىپ، بالتىرى سىزداعان جاندارعا قاجەتتى ءدارى-دارمەك تابىلۋ ءۇشىن اتقارىلىپ جاتقان جۇمىستار اۋقىمدى. سوڭعى 2 جىلدا سالاعا سالىنعان ينۆەستيتسيا 3 جارىم ەسە وسكەن. ءوزىمىز تۇگىلى وزگە ەلگە جىبەرىلەتىن ءدارى-دارمەك ەكسپورتى 1.9 ەسە وسكەن ەكەن. قازاقستاندا وندىرىلگەن پرەپاراتتارعا سۇرانىس رەسەي، قىرعىزستان، وزبەكستان، موڭعوليا مەن مولداۆا مەملەكەتتەرىندە دە پايدا بولا باستاعان.
ەندى مەديسينا سالاسىنداعى ەڭ باستى جاڭالىقتىڭ بىرىنە توقتالسام. الماتى قالاسىندا قۇنى 134 ميلليارد تەڭگە بولادى ءۇش بىردەي فەرماسيەۆتيكا زاۋىتى سالىنادى. اتاپ ايتسام، نوبەل كومپانياسى 53 ءتۇرلى دارىلىك زاتتاردى شىعارادى. ال «رومفارم» ميكروبقا جانە قابىنۋعا قارسى دارىلەردىڭ 101 ءتۇرىن وندىرەدى. سوڭعىسى - «التينفارم». بۇل كومپانيا ونكولوگيالىق اۋرۋلار مەن قانت ديابەتىن ەمدەۋگە ارنالعان 50-دەن استام ءدارى ءتۇرىن شىعارادى.
ۇكىمەت باسشىسىنىڭ الدىندا بايانداما جاساعان باس دارىگەر سالاداعى جەتىستىكتەردەن بولەك بارماق باستى، كوز قىستى ارەكەتتەردى ايتىپ بەردى. بەلگىلى بولعانداي، كەي ءدارىحانالار ناۋقاستارعا تەگىن بەرىلۋى ءتيىس ءدارى-دارمەكتى ساۋداعا سالىپ، قالتالارىن قامپيتقان. ال اقشاعا قۇنىققان ەندى ءبىر كاسىپكەرلەر پرەپاراتتى بەكىتىلگەن باعادان قىمباتقا ساتقانى انىقتالعان. بيىل تىركەلگەن مۇنداي ءىرىلى- ۇساقتى زاڭ بۇزۋشىلىقتار سانى 800-گە جۋىقتايدى. كىناسى دالەلدەنگەندەرگە اكىمشىلىك حاتتاما تولتىرىلىپ، ايىپپۇل سالىنعان. ناتيجەسىندە تەگىن دارىلەردى زاڭسىز ساتۋ 20 ەسە ازايعان.
قازاقستاندا سەگىز ءىرى ينۆەستيتسيالىق جوبا اياسىندا 494 اتاۋداعى دارىلىك پرەپارات ءوندىرۋ جوسپارلانىپ وتىر. جالپى قۇنى 862 ميلليون دوللار بولاتىن جوبالار جۇزەگە اسسا، 1200-دەن استام جاڭا جۇمىس ورنى اشىلادى. بۇل تۋرالى ۇكىمەت وتىرىسىندا دەنساۋلىق ساقتاۋ ءمينيسترى اقمارال ءالنازاروۆا مالىمدەدى. ءوندىرىس كەزەڭ-كەزەڭىمەن ىسكە قوسىلادى. العاشقى 300 اتاۋداعى ءدارى-دارمەكتى 2027-2030 -جىلدارى شىعارۋ كوزدەلگەن. جاڭا جوبالار وتاندىق فارماسيەۆتيكا ءوندىرىسىنىڭ كولەمىن ۇلعايتىپ، ەلدىڭ دارىلىك قاۋىپسىزدىگىن نىعايتۋعا باعىتتالعان.
