الماتىدا 14-مامىردا دابىل جۇيەسى ىسكە قوسىلادى
الماتى. KAZINFORM - الماتىدا 14 -مامىر ساعات 11:00-دە جوسپارلى سەيسميكالىق جاتتىعۋ وتەدى.
الماتى اكىمدىگىنىڭ مالىمەتىنشە، قالادا دابىل جۇيەلەرى ىسكە قوسىلىپ، موبيلدى قوسىمشا ارقىلى حابارلاما جىبەرىلەدى.
- «بارشاڭىزدىڭ نازارىڭىزعا!» دابىلىن ەستىگەن جاعدايدا تەلەديدار نەمەسە راديونى قوسىپ، موبيلدى قوسىمشا مەن رەسمي ينتەرنەت-رەسۋرستارداعى اقپاراتپەن تانىسۋ قاجەت. تۇرعىندارعا الدىن الا دابىل سومكەسىن دايىنداپ، عيماراتتاردان، اعاشتاردان جانە ەلەكتر جەلىلەرىنەن الىس ورنالاسقان اشىق قاۋىپسىز الاڭعا باراتىن باعىتتى انىقتاپ الۋ ۇسىنىلادى، - دەلىنگەن حابارلامادا.
الماتىدا حالىقتى قابىلداۋعا ارنالعان 384 پۋنكت ۇيىمداستىرىلادى.
اقپاراتتى 2GIS سەرۆيسىندەگى «زارداپ شەككەن حالىقتى قابىلداۋ پۋنكتتەرى» سۇرانىسى ارقىلى، سونداي-اق الماتى توتەنشە جاعدايلار دەپارتامەنتى مەن قالا اكىمدىگىنىڭ رەسمي سايتتارىنان وقۋعا بولادى.
ەسكە سالايىق، بۇعان دەيىن تالعاردا توتەنشە جاعدايعا قارسى زاماناۋي دابىل جۇيەسى قوسىلاتىنىن جازعانبىز.
