الماتى وبلىسىنداعى قاپشاعاي سۋ قويماسى 98 پايىزعا تولدى
استانا. KAZINFORM - الماتى وبلىسىنداعى قاپشاعاي سۋ قويماسى %98- عا تولدى. قازىرگى تاڭدا سۋ قويماسىندا 18,04 ميلليارد تەكشە مەتر سۋ جينالعان، دەپ حابارلايدى سۋ رەسۋرستارى جانە يرريگاتسيا مينيسترلىگىنىڭ باسپا ءسوز قىزمەتى.
سۋ قويماسىنىڭ تولۋى اقدالا جانە شەڭگەلدى اۋىلدىق وكرۋگتەرىندەگى ەگىس القاپتارىن سۋارمالى سۋمەن تولىق قامتاماسىز ەتۋگە مۇمكىندىك بەرەدى.
قاپشاعاي سۋ قويماسى بالقاش كولىنە قۇياتىن ترانسشەكارالىق ىلە وزەنىنىڭ اعىنىن رەتتەيدى. ۆەگەتاتسياارالىق كەزەڭدە سۋ قويماسىنان بالقاشقا شامامەن 4 ميلليارد تەكشە مەتر سۋ جىبەرىلگەن.
- ءبىز ترانسشەكارالىق وزەندەر، سونىڭ ىشىندە ىلە وزەنى ماسەلەسى بويىنشا قىتايلىق ارىپتەستەرمەن تۇراقتى بايلانىس ورناتقانبىز. ەكى ەلدىڭ ۇيلەسىمدى ءىس- قيمىلىنىڭ ارقاسىندا الماتى وبلىسىنىڭ شارۋالارى قاتارىنان ءۇشىنشى جىل سۋارمالى سۋمەن تۇراقتى قامتاماسىز ەتىلىپ وتىر، - دەدى س ر ي م سۋ رەسۋرستارىن رەتتەۋ، قورعاۋ جانە پايدالانۋ كوميتەتىنىڭ ءتوراعاسى سەيىلبەك نۇرىمبەتوۆ.
بۇعان دەيىن قاپشاعايداعى رەيدتەن كەيىن 3 كەمە ايىپ تۇراعىنا قويىلعانى بەلگىلى بولدى.
