الاشورداشىلاردىڭ ءانۇرانى بولعانىن بىلەسىز بە؟
استانا. قازاقپارات - بۇل - الاشوردا ۇكىمەتىنىڭ ءانۇرانى بولعان ءان. ءاننىڭ اۆتورى كەيبىر دەرەكتەردە جۇسىپبەك ايماۋىتوۆ دەلىنسە، ەندى بىرەۋلەرىندە ءمىرجاقىپ دۋلاتوۆ ەكەنى ايتىلادى.
ارعى اتام - ەر تۇرىك،
ءبىز - قازاق ەلىمىز،
قايمىعىپ ەش جاۋدان
قايتپاعان بەتىمىز.
ساي-سايلاپ، مال ايداپ،
سايرانداپ، كەڭ جايلاپ
ارقادا ەركە وسكەن
سارى ارقا جەرىمىز.
بۇعاۋدان بوسانعان،
ءبىز - دولى ارىستان،
ەگەسسەك ەل بەرمەس،
تۇسەدى-اۋ ەرىمىز.
بىزگە دە ءسوز بە ەكەن،
جاۋىنىڭ از، كوبى.
ولسەك، ءبىز شەيىت،
ولمەسەك، ءبىز قازى.
ەجەلدەن ءور تۇرىك،
وق دەسە نە ەتەمىز؟
قايمىعىپ ەش جاۋدان
قايتپاعان بەتىمىز.
لاپ دەسە، ات بولىپ،
زۋىلداپ شابامىز.
لاپ دەسە، وت بولىپ،
دۇرىلدەپ جانامىز.
الاشتىڭ اق تۋىن،
اقىرىپ قولعا الىپ،
الاشتاپ شاپقاندا،
جاۋعا ويران سالامىز.
دولدانسا بولمايتىن
جاڭا ءداۋ-پەرىمىز.
ەر تۇرىك ەجەلدەن،
وق تەسكەن ەتىمىز.
قايمىعىپ ەش جاۋدان
قايتپاعان بەتىمىز.
جاۋسىن وق، اقسىن قان،
شىقسىن جان، قورقۋ جوق.
الاشتىڭ جولىندا
جان قيماق - نيەتىمىز!
«الاش ايناسى» گازەتى. 2013
