پاۆەل دۋروۆ قىتايدىڭ ج ي دامىتۋدا نەلىكتەن باتىستى باسىپ وزاتىنىن ءتۇسىندىردى

استانا. قازاقپارات - Telegram نەگىزىن قالاۋشى پاۆەل دۋروۆ ا ق ش-تىڭ ورتا ءبىلىم بەرۋ جۇيەسى تۇبەگەيلى وزگەرىستەرگە ۇشىرامايىنشا، قىتايدىڭ ءوسىپ كەلە جاتقان تەحنولوگيالىق ۇستەمدىگى ءسوزسىز بولاتىنىن مالىمدەدى.

Павел Дуров
Фото: Liberation

- قىتايلىق DeepSeek ستارتاپىنىڭ تابىسىنان كەيىن كوپشىلىك قىتايدىڭ ج ي سالاسىندا ا ق ش-تى قانشالىقتى تەز قۋىپ جەتكەنىنە تاڭقالدى. الايدا قىتايدىڭ الگوريتمدىك تيىمدىلىكتەگى جەتىستىكتەرى كۇتپەگەن جەردەن پايدا بولعان جوق. قىتايلىق مەكتەپ وقۋشىلارى حالىقارالىق وليمپيادالاردا ماتەماتيكا مەن باعدارلامالاۋدان بۇرىننان وزىق بولدى، - دەپ جازدى پاۆەل دۋروۆ ءوزىنىڭ Telegram ارناسىندا.

ونىڭ پىكىرىنشە، قىتايدىڭ ورتا ءبىلىم بەرۋ جۇيەسى، اسىرەسە ناقتى عىلىمدار بويىنشا مامانداردى دايىنداۋى باتىسقا قاراعاندا جوعارى.

- ول (قىتايدىڭ ءبىلىم بەرۋ جۇيەسى) وقۋشىلار اراسىنداعى قاتال باسەكەنى ىنتالاندىرادى. بۇل جوعارى ءتيىمدى كەڭەستىك ۇلگىدەن الىنعان قاعيدا، - دەدى Telegram نەگىزىن قالاۋشى.

باتىس مەكتەپتەرى بالالاردى قىسىم مەن مازاق ەتۋدەن قورعاۋ ءۇشىن باسەكەلەستىكتەن اۋلاق بولعانىمەن، بۇل ەڭ جاقسى وقۋشىلاردى ىنتالاندىرۋدى قويادى.

- جەڭىلگەندەردى جويۋ ارقىلى ءسىز جەڭىمپازداردى جوياسىز، - دەپ سانايدى ول.

دۋروۆ كوپتەگەن وقۋشى مەكتەپتى باسەكەلەستەر اراسىندا ءبىرىنشى ورىن الۋعا ۇمتىلاتىن جارىس رەتىندە قابىلدايتىنىنا سەنىمدى. وقۋ ۇلگەرىمىندەگى اشىقتىقتىڭ بولماۋى امبيتسيالى جاسوسپىرىمدەر ءۇشىن وقۋدى ماعىناسىز ەتەدى. اقىرى دارىندى بالالار كوبىنەسە بەينە ويىنداردى تارتىمدى دەپ سانايدى، ويتكەنى ولار كەم دەگەندە ءاربىر ويىنشىنىڭ رەيتينگىن كورسەتەدى.

- ءاربىر وقۋشىعا قانشالىقتى ناتيجە كورسەتسە دە، چەمپيون ەكەنىن ايتۋ مەيىرىمدى بولىپ كورىنۋى مۇمكىن، ءبىراق شىندىق وقۋ بىتىرگەننەن كەيىن بۇل يلليۋزيانى تەز جويادى. شىندىقتىڭ ىزگى نيەتتى مەكتەپ ساياساتىنان ايىرماشىلىعى - سپورتتا، بيزنەستە، عىلىمدا نەمەسە تەحنولوگيادا ءوزىنىڭ قوعامدىق باعالارى مەن رەيتينگتەرى بار، - دەپ جازدى دۋروۆ.

ەسكە سالا كەتسەك، Nvidia قىتايلىق چات-بوت كەسىرىنەن شامامەن 600 ميلليارد دوللار جوعالتقانى انىقتالدى.

اۆتور

زارينا تۋعانبايەۆا

سوڭعى جاڭالىقتار