پاكىستان يران اۋماعىنا اسكەري سوققى جاسادى

استانا. KAZINFORM - پاكىستان تاڭەرتەڭ Marg Bar Sarmachar كونترتەرروريستىك وپەراتسياسىن جۇرگىزدى، سونىڭ اياسىندا يراننىڭ سيستان جانە بەلۋدجيستان پروۆينتسياسىندا ورنالاسقان لاڭكەستەردىڭ نىسانىنا سوققى بەرىلدى، دەپ حابارلايدى ت ا س س اقپارات اگەنتتىگى.

پاكىستان س ءى م باسپا ءسوز قىزمەتىنىڭ حابارلاۋىنشا، وپەراتسيا اياسىندا بىرنەشە لاڭكەس جويىلدى.

«بۇگىن تاڭەرتەڭ پاكىستان يراننىڭ سيستان جانە بەلۋدجيستان پروۆينتسياسىنداعى لاڭكەستەردىڭ باسپانالارىنا جوعارى دەڭگەيدە ۇيلەستىرىلگەن جانە ماقساتتى دالدىكپەن ءبىرقاتار اسكەري سوققىلار جاسادى. قولدا بار بارلاۋ دەرەكتەرى نەگىزىندە جۇرگىزىلگەن Marg Bar Sarmachar كودتىق وپەراتسياسى كەزىندە بىرنەشە تەرروريست ءولتىرىلدى»، - دەلىنگەن باسپا ءسوز حابارلاماسىندا.

ەسكە سالا كەتسەك، پاكىستان سارسەنبى كۇنى يراننىڭ ونىڭ اۋماعىنا، ورتاق شەكاراعا جاقىن جەرگە اۋە شابۋىلىن جاساعانىن مالىمدەدى.

پاكىستان بيلىگى يراندى «دجايش ءال-ادل» قارۋلى توبىنا جاسالعان شابۋىلىمەن اۋە كەڭىستىگىن بۇزدى دەپ ايىپتاپ، يسلامابادتاعى يران ەلشىسىن شاقىرتتى.

اۆتور

ەركەجان سماعۇلوۆا