اكتەر دونالد سازەرلەند قايتىس بولدى

Умер знаменитый канадский актер Дональд Сазерленд
Фото: Shutterstock

استانا. KAZINFORM - «اشتىق ويىندارى»، «ايىرۋدىڭ التى دارەجەسى» جانە «يتالياندىق توناۋ» سياقتى فيلمدەردە باستى ءرولدى سومداعان دونالد سازەرلەند 88 جاسىندا قايتىس بولدى.

اكتەردىڭ قايتىس بولعانىن ونىڭ ۇلى كيفەر حابارلادى.

«مەنىڭ اكەم دونالد سازەرلەند قايتىس بولعانىن قايعىرا حابارلايمىن. مەن ونى كينو تاريحىنداعى ەڭ ماڭىزدى اكتەرلەردىڭ ءبىرى سانايمىن. ول جاقسى بولسىن، جامان بولسىن، ەشقانداي ءرولدى جاتسىنبادى. ول ءوز جۇمىسىن جاقسى كوردى جانە سۇيىكتى ىسىمەن اينالىستى. تاعدىردان ارتىق تىلەۋ مۇمكىن ەمەس. ونىڭ ءومىرى جاقسى بولدى»، - دەدى ول.

دونالد سازەرلەند 1970 -جىلدارى امەريكالىق «مەش» تەلەشوۋىندا حيرۋرگ پيرستىڭ ءرولىن سومداعان سوڭ تانىمالدىلىعى ارتىپ، كينودا ۇلكەن جەتىستىككە جەتتى.

سازەرلەند شىعارماشىلىق مانسابىندا جالپى 200-گە جۋىق ءرولدى سومدادى.

دونالد - ءتورت ۇل مەن ءبىر قىزدىڭ اكەسى. ول كانادادا دۇنيەگە كەلگەن. العاشىندا راديو رەپورتەر بولىپ جۇمىس ىستەگەن. 1957 -جىلى بولاشاق اكتەر لوندونعا كوشىپ، وندا لوندون مۋزىكالىق جانە درامالىق ونەر اكادەمياسىندا وقىدى. سودان كەيىن ول ۇلى بريتانيالىق كينولاردا شاعىن رولدەردى سومداي باستادى.

كوممەرتسيالىق تابىسقا جانە سىنشىلاردىڭ جوعارى باعاسىنا قاراماستان، ول «وسكارعا» ەشقاشان ۇسىنىلمادى، ءبىراق 2017 -جىلى كينو سالاسىنداعى مانسابى ءۇشىن قۇرمەتتى سىيلىق الدى.

اۆتور

زارينا تۋعانبايەۆا

سوڭعى جاڭالىقتار