اجىراسۋدىڭ دا قىزىعى بولادى ەكەن

استانا. قازاقپارات - اجىراسۋدىڭ اتىن اتاۋدىڭ ءوزى قورقىنىشتى. ءبىراق ءاربىر دۇنيەدەن ساباق الۋىمىز ورىندى شىعار. اجىراسۋدىڭ ساباق قانا ەمەس، كۇلكىلى ەكەنىن دە ەسكە الۋىمىز زاڭدى.

سەبەبى كانادادا ايەلى كۇيەۋىنىڭ قورىلداپ، ۇيقى بەرمەگەنى ءۇشىن اجىراسۋعا مۇمكىندىگى بار، ال ساۋد ارابيادا ايەلى كۇيەۋى وعان كوفە قۇيىپ بەرمەسە دە اجىراسا سالادى ەكەن.

كۇلكىلى ەمەس پە، قالاي ويلايسىز؟

2011 - جىلى جەلتوقسان ايىندا 99 جاستاعى يتاليالىق شال 96 جاستاعى كەمپىرىمەن اجىراسپاقشى بولادى. باستى سەبەپ زايىبىنىڭ 1940 - جىلدارى الدەكىمگە جازعان سەزىم حاتتارى بولعان ەكەن. بۇل اجىراسۋ تاريحتا قالىپ قويدى.

رۋمىنيالىق جۇپ ۇيلەنۋ تويىنان كەيىن 8 اي وتكەسىن-اق اجىراسۋعا بەل بۋعان. بۇل ءىستىڭ باستى سەبەبىن 67 جاستاعى كۇيەۋ «تولىقتاي سايكەسسىزدىك» دەپ ءتۇسىندىرىپتى. سويتسە، ايەلىنىڭ مىسىعى زەينەتكەردىڭ كوپ جىلدار بويى اسىراپ كەلە جاتقان ەكى بىردەي توتىقۇسىن جەپ قويعان ەكەن.

بريتاندىق ازامات نيل دبيۋحارتتىڭ ايەلىمەن اجىراسۋىنا باستى سەبەپ - فۋتبول بولعان. ونىڭ ايەلى فۋتبول جۇلدىزدارىنىڭ اۆتوگرافى قويىلعان جەيدەنى جۋىپ قويىپتى. سوت ايەلىنىڭ بۇل ىسىنە ۆانداليزم (قاسكويلىك) دەپ باعا بەرىپتى.

اتى-ءجونى بەلگىسىز ەرلى-زايىپتىلاردىڭ اراسىندا قىزعانىشتىڭ ەرەكشە ءبىر ءتۇرى بولىپتى. ەرى ايەلىن يتىنەن قىزعانعان ەكەن. ال ءيتى بولسا كوپتەگەن بايقاۋلاردا جەڭىمپاز اتانىپ جۇرگەن چەمپيون بولعان. كۇيەۋى ايەلىنىڭ الدىندا يتتەن جوعارى ەمەستىگىن سەزگەسىن-اق، ءيتتى وزگەلەردىڭ كوزىنەن تاسا جەردە تاماقتاندىرىپ جۇرگەن. تەز ارادا سالماق جيناعان ءيت بايقاۋعا قاتىساتىن مۇمكىندىگىنەن ايىرىلىپ، كەيىننەن مۇنى ءبىلىپ قويعان ايەلى اجىراسۋعا بەل بۋعان.

يتاليالىق جۇپ بال ايىنان سوڭ-اق اجىراسۋدى دۇرىس دەپ تاۋىپتى. سەبەبى كۇيەۋ بالا بال ايىنا شەشەسىن بىرگە اپارىپتى. بۇل «ۇشتىككە» كوڭىلى تولماعان كەلىن وسىنداي قادامعا ەرىكسىز بارعان.

اندرەي كارپوۆ ەسىمدى ورىس جىگىت كارتا ويىنىندا باسكە ايەلىن قويىپ، ۇتىلىپ قالادى. ايەلى بولسا سول ارادا ونىمەن اجىراسىپ، جەڭىمپازدىڭ ەتەگىنەن ۇستاپتى.

ەگيپەتتىك ارحەولوگ وتباسىلىق ءومىردىڭ ەكىنشى كۇنىندە-اق اجىراسۋ ارىزىن جازىپتى. سويتسە، ايەلى تاز بولىپ شىعىپتى. ونىڭ شاشىنىڭ جوقتىعىن كۇيەۋ العاشقى نەكە تۇنىندە بىلگەنى دە قىزىقتى جايت.

ا ق ش-تا دجەننيفەر لوپەستى ەرەكشە جاقسى كورەتىن ايەلى كۇيەۋىنىڭ ول تۋرالى سىنىن ەستىگەن سوڭ اجىراسۋعا ارىز جازىپتى. ال ودان بۇرىن ايەلى سىنشى كۇيەۋدىڭ كولىك قويماسىن ورتەپ جىبەرىپتى.

ايەلى 30 جاستا بولا تۇرىپ، ءوزىنىڭ جاسىن كۇيەۋىنە 24 دەپ كورسەتىپتى. 10 جىل وتكەن سوڭ، 2007 - جىلى شىندىقتى بىلگەن كۇيەۋى اجىراسىپ كەتىپتى.

دايىنداعان: ارداق قۇلتاي

massaget.kz