ايدا بالايەۆا بارلىق قىز-كەلىنشەكتەرگە ۇندەۋ جاسادى
استانا. KAZINFORM - مادەنيەت جانە اقپارات ءمينيسترى ايدا بالايەۆا «بيشىمبايەۆ ىسىنە» وراي پىكىر ءبىلدىردى.
«ۆرەميا» گازەتىنىڭ ءتىلشىسى مينيستردەن: «ايدا عالىم قىزى، ءسىز ايەلدەر ىستەرى جانە وتباسىلىق- دەموگرافيالىق ساياسات ۇلتتىق كوميسسياسىنىڭ ءتوراعاسىسىز. «بيشىمبايەۆ ءىسىن» قاداعالاپ وتىرمىز با؟ ويتكەنى، قوعام ادىلەتسىز ۇكىم شىعۋ مۇمكىندىگىنە الاڭداۋلى. وسىعنا وراي قانداي پىكىر بىلدىرەر ەدىڭىز؟»، - دەپ سۇراعان ەدى.
وسى ورايدا مينيستر ۇلتتىق كوميسسيانىڭ ءتوراعاسى رەتىندە ءوزى دە، كوميسسيا مۇشەلەرى دە اتالعان سوت تالقىلاۋىن ءجىتى قاداعالاپ وتىرعاندىقتارىن ايتتى.
«سوت اشىق فورماتتا ءوتىپ جاتىر. بۇل - تاراپتاردىڭ تالابى. 100-دەن مىڭ ادام وتىرىستى تىكەلەي ەفيردەن كورۋدە، قوعام، قوعام پىكىر كوشباسشىلارى، جۋرناليستەر پروتسەستى جان-جاقتى جازىپ جاتىر. سوت ءادىل ۇكىم شىعاراتىندىعىنا سەنىمدىمىن. مەملەكەت باسشىسى ايتقان زاڭ مەن ءتارتىپ ۇستەمدىگى قامتاماسىز ەتىلەدى. ايەل رەتىندە، انا رەتىندە سالتاناتتىڭ جاقىندارىنىڭ، ونىڭ اناسىنىڭ قايعىسىنپا ورتاقپىن. ونى سوققىعا جىققان ءساتى بەينەلەنگەن بەينە كادرلاردى كورۋدە وتە اۋىر. ارينە، ول قازاقستاندىقتار ءۇشىن تۇرمىستىق زورلىق-زومبىلىقتىڭ سيمۆولىنا اينالىپ ۇلگەردى. جانە دە اشىق سوت، ونىڭ ترانسپارانتتىلىگى الەۋەتتى قىلمىسكەرلەردى ۇستاۋعا سەپتىگىن تيگىزىپ، كوپتەگەن ءومىردىڭ ساقتاپ قالادى دە ۇمىتتەنەمىن»، - دەدى ايدا بالايەۆا.
وسى رەتتە ول بارلىق قىز-كەلىنشەككە، ايەلدەرگە ۇندەۋ جاسادى.
«ءبىر رەت قول كوتەرگەن ادام وزگەرەدى دەپ ەلەس جەتەگىندە ءجۇرۋدىڭ قاجەتى جوق. وزگەرمەيدى! ەگەر ول ايەلدى ۇرۋعا، ونى قورلاۋعا بەيىم بولسا، دەمەك ول ونەگە قاعيداتىنان، ادامدىقتىڭ ارىلعان. شىداۋدىڭ، سەن ونى، ول سەنى سۇيەدى، بالالار ءۇشىن ءتوزۋ قاجەت دەپ، ءوزىڭدى دە، ونى دا الداۋدىڭ كەرەگى جوق. اجىراسۋ ۇيات ەمەس. ۇرىپ-سوعۋ تەك جيىلەپ، كۇشەيە تۇسەتىندىگىنە سەنىڭىز. جازاسىزدىق بارلىق ۋاقىتتا دا شەكتەن شىعۋعا الىپ كەلەدى. ادامنىڭ ادامگەرشىلىگىن قورلاۋعا، ونىڭ ۇستىنە قول جۇمساۋعا ەشكىمنىڭ دە قۇقىعى جوق. تاعى دا قايتالاپ ايتامىن، سوت ءادىل شەشىم شىعاراتىندىعىنا نىق سەنىمدىمىن»، - دەدى مينيستر.
اۆتور
مارلان جيەمباي
