اجار عينيات: اعزامدى دونور رەتىندە بەرۋگە كەلىسەمىن

ажар
Фото: ДСМ

استانا. KAZINFORM - دەنساۋلىق ساقتاۋ ءمينيسترى اجار عينيات ولىمنەن كەيىنگى اعزا دونورلىعى تۋرالى پىكىر ءبىلدىردى.

ءماجىلىس وتىرىسىنان كەيىن ب ا ق وكىلدەرىنە سۇحبات بەرگەن مينيستر ا.عينيات قايتىس بولعاننان كەيىن اعزاسىن دونورلىققا بەرۋگە كەلىسەتىنىن ايتتى.

«جەكە ءسىز ولىمنەن كەيىنگى اعزا دونورلىعىنا كەلىسەسىز بە؟» - دەگەن سۇراققا «كەلىسەمىن» دەپ جاۋاپ بەردى.

سونداي- اق، ول وسى ماسەلە تۋرالى ارنايى رەگيستردە 40 مىڭنان استام ادام پىكىر بىلدىرگەنىن ايتتى.

«ادام ءومىرىن ساقتاۋ ءۇشىن كەيبىر قايتىس بولعان ادامدار نەمەسە ولاردىڭ تۋىستارى ءوز اعزالارىن قيىن جاعدايدا جۇرگەن، سوزىلمالى اۋرۋلارى بار، جۇرەگىن، بۇيرەگىن الماستىرۋدى قاجەت ەتەتىن ادامدارعا اعزاسىن بەرە الادى. زاڭ جۇزىندە وعان قاجەتتى بارلىق نورمالار بار. سونىمەن قاتار مينيسترلىك جانىنداعى مەكەمەدە جاسالعان ەلەكتروندى رەگيستر بار. ءبىزدىڭ ءاربىر كامەلەتكە تولعان ازامات سول رەگيستردە ءوز اعزاسىن ولگەننەن كەيىن باسقا مۇقتاج ادامعا بەرۋ ماسەلەسى بويىنشا پايىمىن جازىپ كەتە الادى. بۇگىنگى تاڭدا 40 مىڭنان استام ەل ازاماتى وسى رەگيستردە ويىن ءبىلدىرىپتى. سونىڭ 15 پايىزى قايتىس بولعاننان كەيىن ءوز اعزاسىن باسقا ازاماتتاردىڭ ءومىرىن ساقتاۋ ءۇشىن بەرۋگە كەلىسەتىنىن ايتقان.

«بۇل ماسەلە قوعامنىڭ كەشەندى تالقىلاۋى ارقىلى رەتتەلۋ كەرەك. مينيسترلىك بۇل باعىتتا اۋقىمدى ءتۇسىندىرۋ جۇمىستارىن جۇرگىزىپ جاتىر»، - دەدى اجار عينيات.

اۆتور

ەسىمجان ناقتىباي

سوڭعى جاڭالىقتار