ۆاشينگتوندا ارال تەڭىزىنىڭ ماسەلەسى تالقىلاندى
دجوردج ۆاشينگتون ۋنيۆەرسيتەتىندە قازاقستاننىڭ ا ق ش- تاعى ەلشىلىگىمەن بىرلەسىپ «ورتالىق ازيانىڭ ارال تەڭىزى: بۇگىنگى كليماتتىق داعدارىستان ساباق» تاقىرىبىندا پىكىرتالاس ءوتتى، دەپ حابارلايدى Kazinform ءتىلشىسى.
جيىن مودەراتورى سەباستيان پەيرۋز بۇل تەك ورتالىق ازيا ءۇشىن عانا ەمەس، دۇنيەجۇزىلىك قاۋىمداستىق ءۇشىن دە وتە ماڭىزدى تاقىرىپ ەكەنىن اتاپ ءوتتى، ويتكەنى بۇكىل الەمدە، سونىڭ ىشىندە ا ق ش- تا سۋ قويمالارى قۇرعاپ جاتىر.
ادامزات قازىردىڭ وزىندە كليمات وزگەرىسى جانە جاھاندىق سۋ تاپشىلىعى قاۋپىمەن بەتپە-بەت كەلىپ وتىر.
قازاقستان رەسپۋبليكاسىنىڭ ا ق ش- تاعى ەلشىلىگىنىڭ ەلشى- كەڭەسشىسى راۋان تىلەۋلين قازاقستان تاۋەلسىزدىك العاننان بەرى كليماتتىڭ وزگەرۋىنە جانە سۋمەن بايلانىستى پروبلەمالارعا ايتارلىقتاي كوڭىل ءبولىپ كەلە جاتقانىن اتاپ ءوتتى.
قازاقستان پاريج كەلىسىمىن راتيفيكاتسيالاپ، 2060 -جىلعا دەيىنگى كومىرتەگى بەيتاراپتىعى ستراتەگياسىن قابىلدادى. دۋبايدا وتكەن ب ۇ ۇ- نىڭ كليماتتىڭ وزگەرۋى جونىندەگى كونفەرەنتسياسىندا (COP 28) قازاقستان پرەزيدەنتى قاسىم-جومارت توقايەۆ ارالدى قۇتقارۋ جونىندەگى حالىقارالىق قوردى قولداۋدىڭ جانە 2026 -جىلى ب ۇ ۇ قامقورلىعىمەن ايماقتىق كليماتتىق سامميتتى وتكىزۋدىڭ ماڭىزدىلىعىن ايتتى.
قازاقستاندىق ديپلومات ەكولوگيالىق پروبلەمالاردى شەشۋ جانە سۋعا قولجەتىمدىلىكتى جاقسارتۋ ماقساتىندا كەلەسى قادام رەتىندە قازاقستان مەن امەريكا اراسىندا ارال ماسەلەسى بويىنشا ماقساتتىق توپ قۇرۋدى ۇسىندى.
مەريلەند ۋنيۆەرسيتەتىنىڭ پروفەسسورى سارا كەمەرون سۋ ماسەلەسىنە جاھان نازارىن اۋدارۋ ءۇشىن ارال تەڭىزى تۋرالى كىتاپپەن جۇمىس ىستەپ جاتقانىن ايتتى.
ساراپشى ا ق ش تا ارال تەڭىزىنە ۇقساس ۇلى تۇزدى كول، ميد كولى جانە تۇزدى تەڭىز سياقتى سۋ ايدىندارىنىڭ تارتىلۋ پروبلەماسىمەن بەتپە- بەت كەلىپ وتىرعانىن اتاپ ءوتتى.
كارتادا انىق كورسەتىلگەندەي، وسىنداي سۋ پروبلەمالارى بۇكىل الەمدە كەزدەسەدى.
س. كەمەرون سۋ رەسۋرستارى بويىنشا شەكارالاس ەلدەردىڭ ايماقتىق ىنتىماقتاستىعى قاجەت ەكەنىن ايتادى.
سونداي- اق سۋدىڭ قايدا كەتىپ جاتقانىن جانە ونى قالاي قالپىنا كەلتىرۋگە بولاتىنىن ءتۇسىنۋ ءۇشىن گيدرولوگتار مەن گەولوگتار قاجەت.
«Second Floor Strategies» كونسالتينگ فيرماسىنىڭ پرەزيدەنتى ۋايلدەر الەحاندرو سانچەس ا ق ش پەن ورتالىق ازيا اراسىنداعى ەكولوگيالىق ماسەلەلەر، سۋ قاۋىپسىزدىگى جانە كليماتتىڭ وزگەرۋى بويىنشا تۇراقتى ءوزارا ءىس- قيمىل ءۇشىن قىركۇيەك ايىندا ب ۇ ۇ باس اسسامبلەياسىندا قول قويىلعان نيۋ- يورك دەكلاراتسياسى اياسىنداعى «س5+1» جوباسى بار ەكەنىن اتاپ ءوتتى.
حالىقارالىق ارالدى قۇتقارۋ قورى اتقارۋشى كەڭەسى ديرەكتورىنىڭ مىندەتىن اتقارۋشى زاۋرەش الىمبەتوۆا ورتالىق ازيا ەلدەرى اراسىنداعى ءوزارا ءىس- قيمىل الاڭى قىزمەتىن اتقاراتىن ح ا ق ق- نىڭ قۇرىلعانىنا بيىل 30 جىل تولاتىنىن ايتتى.
حالىقتىڭ تۇرمىسىن جاقسارتۋدى كوزدەيتىن 2030 -جىلعا دەيىنگى «ارال تەڭىزى باسسەينىنىڭ باعدارلاماسىنا» سايكەس قازاقستاندا ءوڭىردى قالپىنا كەلتىرۋ باعىتىندا اۋقىمدى جۇمىس اتقارىلىپ جاتىر.
قاتىسۋشىلار سۋ ماسەلەسىنىڭ شەشىمىن تابۋ ءۇشىن الەم ەلدەرىن الاڭداتقان سۋ قويمالارىنىڭ تايىزدانۋ ماسەلەسىن تالقىلاپ، الەمدىك قاۋىمداستىقتىڭ نازارىن اۋدارۋ قاجەت دەپ سانايدى.
اۆتور
ەركەجان سماعۇلوۆا
